పవర్ స్టార్ సినిమాలో మిల్కీ బ్యూటీ...?

పవర్ స్టార్ పవన్ కళ్యాణ్ చాలా గ్యాప్ తీసుకొని రీఎంట్రీ మూవీగా నటిస్తున్న సినిమా 'వకీల్ సాబ్'. ఈ చిత్రానికి 'ఓ మై ఫ్రెండ్' 'ఎంసీఏ' చిత్రాల డైరెక్టర్ వేణు శ్రీరామ్ దర్శకత్వం వహిస్తున్నారు. పవన్ కెరీర్లో 26వ చిత్రంగా తెరకెక్కుతున్న ఈ సినిమాని స్టార్ ప్రొడ్యూసర్స్ దిల్ రాజు మరియు బోణీ కపూర్ లు సంయుక్తంగా నిర్మిస్తున్నారు. ఈ మూవీ హిందీలో అమితాబ్ బచ్చన్ నటించిన సూపర్ హిట్ మూవీ 'పింక్' చిత్రానికి రీమేక్ గా రాబోతోంది. 'వకీల్ సాబ్' సినిమాలో పవన్ కళ్యాణ్ లాయర్ గా కనిపిస్తుండగా అంజలి, నివేదా థామస్, అనన్య, ప్రకాష్ రాజ్, నరేష్ కీలక పాత్రల్లో నటిస్తున్నారు. ఇక మ్యూజిక్ డైరెక్టర్ థమన్ ఈ చిత్రానికి సంగీతం అందించనున్నారు. ఇప్పటికే చాలా భాగం షూటింగ్ జరుపుకున్న ఈ చిత్రాన్ని సమ్మర్ కానుకగా రిలీజ్ చేయాలని చిత్ర యూనిట్ భావించారు. అయితే కరోనా మహమ్మారి వచ్చి వీరి ప్లానింగ్స్ కి బ్రేక్ వేసింది. ఇప్పట్లో సినిమా షూటింగ్స్ స్టార్ట్ అయి థియేటర్స్ ఓపెన్ అయ్యే పరిస్థితులు కనిపించకపోవడంతో 'వకీల్ సాబ్' ను వచ్చే సంక్రాంతి బరిలో నిలపాలని మేక‌ర్స్ ప్లాన్ చేస్తున్నార‌ట. కాగా ఈ మూవీలో హీరోయిన్ కి సంబంధించిన ఓ ఆసక్తికర వార్త ఇండస్ట్రీ వర్గాల్లో చక్కర్లు కొడుతోంది.

'వకీల్ సాబ్' సినిమాలో మిల్కీ బ్యూటీ తమన్నా నటించబోతోందట. ఇప్పటి వరకు శృతి హాసన్ పవన్ కళ్యాణ్ సినిమాలో హీరోయిన్ గా యాక్ట్ చేయబోతోందని వార్తలు వచ్చాయి. అయితే ఇప్పుడు మేకర్స్ తమన్నా ని నటింపజేయాలని చూస్తున్నారని న్యూస్ స్ప్రెడ్ అయింది. మరి అది ఎలాంటి పాత్ర అన్నది తెలియనప్పటికీ తమన్నా ఈ సినిమాలో నటించడం దాదాపు కంఫర్మ్ అయినట్లేనని ఫిలిం నగర్ వర్గాల వారు అనుకుంటున్నారు. కాగా గ‌తంలో ప‌వ‌న్ కళ్యాణ్ - త‌మ‌న్నా కలిసి 'కెమెరామెన్ గంగ‌తో రాంబాబు' సినిమాలో నటించిన సంగ‌తి తెలిసిందే. అయితే అప్పుడు ఉమ్మడి రాష్ట్రంలో ఏర్పడిన పరిస్థితుల కారణంగా ఆశించిన స్థాయిలో విజయాన్ని అందుకోలేకపోయింది. ఇప్పుడు ఈ వార్తే నిజమై తమన్నా ఈ సినిమాలో న‌టిస్తే ప‌వ‌న్ - త‌మ‌న్నా జోడీ మరోసారి సిల్వర్ స్క్రీన్ పై అలరించే అవకాశం ఉంది