తమన్నా తిప్పించుకుంటోందా??

ప్రస్తుతం సీనియర్ హీరోయిన్స్ హవా కొంచెం కొంచెం తగ్గుతూ వస్తోంది. గత ఐదేళ్ల నుంచి సౌత్ లో చలామణి అవుతున్న స్టార్ బ్యూటీలు కొంచెం కొంచెంగా వెనకడుగు వేస్తున్నారు. వారికి పోటీగా ఇప్పుడు మలయాళం భామలు కేరళ బ్యూటీలు రంగంలోకి దిగుతున్నారు. అలాగే బాలీవుడ్ ముద్దుగుమ్మలు కూడా ఈ మధ్య టాలీవుడ్ లో అవకాశాలు వస్తే వదలడం లేదు. దీంతో మొన్నటి వరకు స్టార్ హీరోయిన్స్ గా ఉన్న వారు ఫేడవుట్ అయిపోతున్నారు.

ఆ సంగతి అలా ఉంచితే.. ఇప్పుడు మిల్కీ బ్యూటీ మాత్రం ప్రస్తుతం ఎంట్రీ ఇస్తున్న బ్యూటీలకు చాలా గట్టిపోటీని ఇవ్వడానికి ప్రయత్నం చేస్తోంది. ఎప్పుడు లేని విధంగా గ్లామర్ డోస్ ని గట్టిగా పెంచుతోంది. రీసెంట్ గా నా నువ్వే సినిమాలో గ్లామర్ టచ్ ని గట్టిగా ఇచ్చినట్లు నేమ్ వచ్చేసింది. అయితే అప్పుడప్పుడు అమ్మడు స్పెషల్ ఐటెమ్ సాంగ్స్ తో కెరీర్ ను నెట్టుకొస్తున్న సంగతి తెలిసిందే. రెమ్యునరేషన్ కూడా స్పెషల్ సాంగ్ లకు గట్టిగా అందుతోంది. రీసెంట్ గా అక్కినేని హీరో నాగ చైతన్య సవ్యసాచి సినిమాలో కూడా స్పెషల్ సాంగ్ చేసే అవకాశం వచ్చింది. అయితే డేట్స్ అడ్జస్ట్ చేసినప్పటికీ చివరి నిమిషంలో లో అంతా రివర్స్ అయినట్లు తెలుస్తోంది.

రిలీజ్ డేట్ దగ్గర పడుతుండటంతో సవ్యసాచి చిత్ర యూనిట్ షూటింగ్ ని వేగంగా ఫినిష్ చేస్తోంది. అయితే తమన్నా తో సాంగ్ కి డేట్ ఫిక్స్ చేసుకున్న చిత్ర యూనిట్ ఊహించని విధంగా అదే రోజు అమెరికా షెడ్యూల్ చేయాల్సి వచ్చింది. దీంతో వాళ్లు హైదరాబాద్ వచ్చే సరికి మిల్కీ బ్యూటీ హిందీ రీమేక్ క్వీన్ "దట్ ఈజ్ మహాలక్ష్మి" సినిమా షూటింగ్ పనులు మోదలయ్యాయి. ఈ దెబ్బతో సవ్యసాచి టీమ్ చేసేదేమీ లేక షూటింగ్ పూర్తయిన తరువాత మరో హీరోయిన్ ని సెట్ చేసేందుకు సిద్ధమైనట్లు సమాచారం.