ఇప్పుడు ఐటెం కోసం మెగా సెర్చింగ్

మెగాస్టార్ చిరంజీవి 150వ సినిమా ఒరిజినల్ మాతృకలో ఐటెం సాంగు వంటివి ఏమీ లేవేమో కాని.. తెలుగు వర్షన్ లో మాత్రం ఖచ్చితంగా మాస్ కోసం ఒక డోస్ ఇచ్చేలా ఉన్నారు. అందుకే ఇప్పుడు దర్శకుడు వివి వినాయక్ ఈ సినిమాలో ఎవరితో ఐటెం సాంగ్ చేయిస్తే బాగుంటుంది అనే విషయం గూర్చి నిర్మాత రామ్‌ చరణ్‌ తో డిస్కస్ చేస్తున్నారట.

గతంలో మెగాస్టార్ రీమేక్ చేసిన శంకర్ దాదా సినిమాల్లో అయినా.. అలాగే స్టాలిన్ వంటి సినిమాల్లో అయినా కూడా.. ఐటెం సాంగులు ఎప్పుడూ హిట్టే. అయితే చాలాసార్లు సిమ్రాన్.. అనుష్క.. వంటి టాప్‌ హీరోయిన్లతోనే చిరు ఐటెం పాటల్లో చిందులేశారు. అందుకే ఇప్పుడు ''ఖైదీ నెం.150'' సినిమా కోసం కూడా వారు ఒక పెద్ద స్టార్లెట్ నే రంగంలోకి దించుతారట. మేజర్ గా మిల్కీ బ్యూటి తమన్నా ఈ ఛాన్సు పట్టేసే అవకాశం ఉందని తెలుస్తోంది. పైగా మెగాస్టార్ కూడా ఆమెతో స్టెప్పులేయాలని ఎప్పటినుండో ఉత్సాహం చూపిస్తున్న సంగతి తెలిసిందే. ఆమె చేస్తే గ్లామరసానికి కూడా పెద్దగా కొదవేం ఉండదు.

ఒకవేళ తమన్నా ఒప్పుకోకపోతే మాత్రం.. రకుల్ - లావణ్య త్రిపాఠి - రెజీనా వంటి టాప్ యంగ్ హీరోయిన్లలో ఎవరో ఒకరిని రంగంలోకి దించుతారట. అసలే చిరంజీవి 150వ సినిమా కాబట్టి.. అలాగే పారితోషకం కూడా బాగానే ఆఫర్ చేస్తున్నారు కాబట్టి.. రంగంలోకి దిగడానికి చాలామంది భామలు రెడీగానే ఉన్నారు. ఈ సినిమాలో కాజల్ హీరోయిన్ గా నటిస్తున్న సంగతి తెలిసిందే.