ఎన్ని సినిమాల్లో చేస్తావ్ తమ్మూ??

ఇప్పుడు ఎక్కడ విన్నా కూడా కబాలి న్యూసులు మాత్రమే వినిపిస్తున్నాయి. అది కాకుండా ఇంకేమన్నా పెద్ద న్యూస్ ఉందా అంటే.. మిల్కీ బ్యూటి ఫ్యాన్స్ మాత్రం అదిగో మా తమ్మూ చూడండి ఏం చేస్తోందో అంటున్నారు.

మొన్ననే హీరో గోపిచంద్‌ సినిమాలో ఐటెం సాంగు చేయడానికి తమన్నా డీల్‌ సైన్ చేసిందనే న్యూస్ వచ్చింది. తన కెరియర్లో తమన్నా 3వ ఐటెం సాంగు చేస్తోందంటూ తెగ చెప్పుకున్నారు ఈ అభిమానులు. ఇంతలోనే ఇప్పుడు వినిపిస్తున్న రూమర్ ఏంటంటే.. ''జనతా గ్యారేజ్'' సినిమాలో కూడా అమ్మడు ఒక ఐటెం నెంబర్ చేస్తోందట. ఇప్పటికే జనతా గ్యారేజ్ కు సంబంధించిన పాటలన్నీ షూట్ చేశారు. అయితే సమంతతో ఒక సాంగు పెండింగ్ ఉంది. కాని అనివార్య కారణాల వలన ఆ పాట ఇంకా షూటింగ్ కాలేదు. సమంత కూడా ఆ పాట షూటింగులో పాల్గొనేలా లేదంట. అందుకే ఇప్పుడు ప్రీ-క్లయ్ మ్యాక్స్ ఎపిసోడులో తమన్నాతో ఒక ఐటెం సాంగు చేయించుకోవడానికి డీల్‌ సెట్ చేశారని తెలుస్తోంది.

ఒక ప్రక్కన హీరోయినుగా ఫేడవుట్ అయిపోతుందేమో అని జనాలు కంగారు పడుతుంటే.. మరో ప్రక్కన అమ్మడు ఇలా ఐటెం మీద ఐటెం చేసేస్తోంది ఏంటో. అంటే చివర్లో వచ్చినంతవరకు సర్దేసుకుందామనా? లేకపోతే ఎప్పటిలాగానే ఇది కూడా ఒక రూమరే అంటారా?