మిల్కీ బ్యూటీ కొత్త ఐటెం

ఒకప్పుడు ఐటెమ్ సాంగ్స్ చేయాలంటే కేవలం ఓ వర్గం తారలను మాత్రమే ఎంచుకునేవారు. సిల్క్ స్మిత - జయమాలిని - ముమైత్ ఖాన్ వంటి వారు సినిమాల్లో ఎక్కువగా కనిపించకుండా కేవలం స్పెషల్ సాంగ్స్ కోసం మాత్రమే కొంచెం ఘాటుగా కనిపించి వారికంటూ ఓ స్థాయిని ఉంచుకునేవారు. కానీ ప్రస్తుత రోజుల్లో పరిస్థితులు మారిపోయాయి. భారీ మొత్తంలో రెమ్యునరేషన్ ఇస్తుండడంతో ఐటమ్ సాంగ్స్ కి హీరోయిన్స్ కూడా సై అంటున్నారు. దీంతో ఐటెమ్ భామలు కనుమారుగైపోయారు. ఎక్కడో ఒక చోట అలరిస్తున్నా చిన్న చిత్రాలకు పరిమితంవుతున్నారు. కాజల్ - శ్రుతి హసన్ వంటి వారు స్పెషల్ సాంగ్స్ తో అలరిస్తుండగా అందులో మిల్కి బ్యూటీ కూడా బిజీ బిజీ అవ్వనుంది.

టాలీవుడ్ లో వరుస హిట్స్ అందుకొని సౌత్ ఇండస్ట్రీలో తనదైన ముద్ర వేసుకున్న ముద్దుగుమ్మ తమన్నా. వెండితరేకు పరిచయమై పదేళ్లు అవుతున్నా ఇంకా తన అందాలతో ఆకట్టుకుంటూనే ఉంది ఈ మిల్కీ బ్యూటీ. దాదాపు సౌత్ స్టార్ హీరోస్ అందరితో ఆడిపాడిన తమన్నా అప్పుడప్పుడు స్పెషల్ సాంగ్స్ తో కనిపిస్తూ.. చిందులేస్తోంది. ఇప్పటికే బెల్లంకొండ అబ్బాయితో రెండు సినిమాల్లో ఐటమ్ సాంగ్స్ చేసిన ఈ చిన్నది.. ఇప్పుడు మరో సినిమాలో స్పెషల్ సాంగ్ కి ఒక చేసేసింది. అది కూడా ఇద్దరి అన్నదమ్ముల సినిమాల్లో నటించడం స్పెషల్ గా చెప్పుకోవాలి. కళ్యాణ్ రామ్ హీరోగా తెరకెక్కుతున్న సినిమాలో హీరోయిన్ గా చేస్తోన్న తమన్నా.. ఎన్టీఆర్ మూడు విభిన్న పాత్రల్లో చేస్తున్న జై లవ కుశ సినిమాలో ఐటెం సాంగ్ చేస్తోందట.

ఆ మధ్యన ఈ ఐటెం సాంగును కాజల్ చేస్తోందని చెప్పారు కాని.. ఇప్పుడు మాత్రం తమన్నాను కన్ఫామ్ చేశారు. ఇందుకు కారనం తమన్నా చాలా తక్కువ రేటు కోట్ చేయడమే అంటున్నారు సన్నిహితులు.