బ్యాచిలర్స్‌ పార్టీలో తమన్నా చిందులు

మిల్కీ బ్యూటీ తమన్నా రేంజ్ లో ఇప్పుడు చాలానే ఛేంజ్ వచ్చింది. బాహుబలి తర్వాత దేశవ్యాప్తంగా క్రేజ్ పెంచుకున్న ఈ తెల్ల తోలు సుందరి.. తనకు వచ్చే ఆఫర్ల విషయంలో చాలా ఎలర్ట్ గా ఉంటోంది. ఇంత ఎలర్ట్ లోనూ.. బెల్లంకొండ శ్రీనివాస్ పక్కన ఐటెం సాంగ్ ఒప్పుకుని అందరినీ ఆశ్చర్యానికి గురిచేసింది. గతంలోనూ ఈ హీరో అరంగేట్ర మూవీలో ఐటెంభామగా చిందులేసిన ఎక్స్ పీరియన్స్ మిల్కీకి ఉంది.

ఇప్పుడు సెంటిమెంట్ గాను, తమ్మూ క్రేజ్ తమ సినిమాకి ఉపయోగపడుతుందని.. మరోసారి ఐటెంసాంగ్ కి ఒప్పించాడు బెల్లంకొండ. స్పీడున్నోడు పేరుతో తెరకెక్కుతున్న ఈ సినిమా కోసం.. రీసెంట్ గా ఈ సాంగ్ షూటింగ్ కంప్లీట్ చేశారు. బ్యాచులర్ పార్టీ సందర్భంగా ఈ సాంగ్ వస్తుందట. పెళ్లాంతో ఎలా నడుచుకోవాలో స్నేహితులంతా కలిసి హీరోకి చెప్పే సన్నివేశంలో.. ఈ పాట స్టార్ట్ అవుతుంది. ఇలా కేవలం ఓ ఐటెంగా కాకుండా... సందర్భానుసారం పాట వచ్చేలా సెట్ చేశారు. అసలు స్పీడున్నోడు చిత్రానికి ఇదే హైలైట్ అవుతుందని యూనిట్ వర్గాలు అంటున్నాయని టాక్.

మరోవైపు.. మాంచి రొమాంటిక్ మూడ్ ని కూడా ఈ పాట పంచనుందని తెలుస్తోంది. ఏమైనా మొదటి సినిమా హిట్ కావడంలో తమన్నా సాంగ్ కీలకంగా మారిందనే సెంటిమెంట్ తోనే.. రెండోసారి కూడా ఈ భామను తెచ్చుకున్నారు. మళ్లీ ఈ సెంటిమెంట్ వర్కవుట్ అయ్యి.. భీమినేని డైరెక్షన్ లో తెరకెక్కుతున్న స్పీడున్నోడు కూడా సక్సెస్ అవుతుందని బెల్లంకొండ బోలెడు హోప్స్ పెట్టేసుకున్నాడు. వచ్చే నెలలో ఈ మూవీ రిలీజ్ అయ్యే అవకాశాలున్నాయి.