బెంగాల్ టైగర్ తో హాట్‌ మీరా

ఆర్గానిక్ ఫుడ్ కారణంగా బక్కచిక్కిన మాస్ మహరాజా.. తన లేటెస్ట్ మూవీ బెంగాల్ టైగర్ ఫస్ట్ లుక్ రిలీజ్ చేశాడు. కిక్ 2 ఫ్లాప్ తో కసిమీదున్న రవితేజ.. నెక్ట్స్ సినిమాకి ఫస్ట్ పోస్టర్ నుంచే జాగ్రత్తలు తీసుకున్నాడని అర్ధమవుతోంది. స్లిమ్ గా మారిన తన పర్సనాలిటీకి తగినట్లుగా.. డ్రస్ వేసి, టక్ చేసి ఎనర్జిటిక్ గా కనిపిస్తున్నాడు. అందులోనూ బ్యాక్ గ్రౌండ్ అంతా బ్లాక్ తో డిజైన్ చేసి, రవితేజకి కూడా బ్లాక్ డ్రస్ వేయడంతో.. మొత్తం పోస్టర్ లో మనోడు ఒక్కడే హైలైట్ అవుతున్నాడు. మొహాన్ని కనిపించీ, కనిపించకుండా... ఇచ్చిన ఫోజ్ కూడా బాగానే సెట్ అయింది.

ఇక తమన్నా యాజ్ మీరా అంటూ.. మిల్కీ బ్యూటీ ఫస్ట్ లుక్ కూడా ఇచ్చేశారు. తెల్లతోలు హీరోయిన్ కూడా బ్లాక్ డ్రస్ తోనే ఉండడంతో... భలేగా మెరిసిపోతోంది తమ్మూ. కాకపోతే.. కాస్త ఒళ్లు చేసినట్లుగా ఉంది. కానీ నడుం ఊపుతూ నడుస్తున్నట్లుగా రిలీజ్ చేసిన పోస్టర్ లో.. సెక్సీగా కవ్విస్తోంది తమన్నా. రచ్చ తర్వాత గబ్బర్ సింగ్ 2 కోసం ఎదురుచూసిన సంపత్ నంది.. బెంగాల్ టైగర్ ని ప్రతిష్టాత్మకంగా తీసుకున్నాడు. మరోవైపు కిక్2 కొట్టిన దెబ్బ నుంచి కోలుకోవడానికి మాస్ మహరాజాకి కూడా ఈ మూవీ చాలా ముఖ్యం.