తమన్నాను ఇలా ఎప్పుడైనా చూశారా?

తమన్నా చాలా మోడర్న్ గా కనిపించే హీరోయిన్. ఆమె కెరీర్లో ఎక్కువగా ఆ టైపు క్యారెక్టర్లలోనే చూశాం ఇప్పటిదాకా. తమన్నా లుక్ చూస్తే.. ఆమె సంప్రదాయబద్ధమైన, చీర కట్టుడు పాత్రలు అంతగా నప్పవన్న ఫీలింగ్ ఉండటంతో దర్శకులు ఆమెకు ఆ టైపు పాత్రలేవీ పెద్దగా ఆఫర్ చేయలేదు. ఐతే ఇండస్ట్రీలో పదేళ్లు గడిపేశాక కూడా ఒకే తరహా పాత్రలు చేస్తే ఏం బావుంటుందని అనుకుందో ఏంటో కానీ.. ఈ మధ్య వైవిధ్యమైన పాత్రల్ని ఎంచుకుంటోంది తమ్మూ. విజయ్ సేతుపతి హీరోగా తమిళంలో తెరకెక్కుతున్న ‘ధర్మదురై’ సినిమాలో మేకప్ లేకుండా.. చీరతో సంప్రదాయ బద్ధంగా కనిపించే విలేజ్ అమ్మాయిగా నటిస్తోంది తమ్మూ.

దీంతో పాటు ప్రభుదేవా హీరోగా తెరకెక్కుతున్న త్రిభాషా చిత్రంలోనూ తమ్మూ ఆ టైపు క్యారెక్టరే చేస్తున్నట్లుంది. ఈ మధ్యే చడీచప్పుడు లేకుండా మొదలైన ఈ సినిమా షూటింగ్ శరవేగంగా పూర్తవుతోంది. ఈ సినిమాకు సంబంధించిన ఓ ఫొటో ప్రస్తుతం సోషల్ మీడియాలో హాట్ టాపిక్ అవుతోంది. తమ్మూ అందులో పెళ్లి కూతురిగా సంప్రదాయ దుస్తుల్లో కనిపిస్తుండటం ఓ చిత్రమైతే.. పక్కన పెళ్లి కొడుకుగా ప్రభుదేవా ఉండటం మరో విశేషం. ప్రభు - తమ్మూ ఈ సినిమాలో నటిస్తున్న సంగతి తెలిసిందే కానీ.. ఇద్దరూ జంటగా నటిస్తున్న విషయం తెలియదు. ఇద్దరూ కూడా సరికొత్త లుక్ లో దర్శనమిస్తున్నారిందులో. ప్రముఖ తమిళ దర్శకుడు ఎ.ఎల్.విజయ్ రూపొందిస్తున్న ఈ సినిమా హార్రర్ బేస్డ్ కథాంశంతో తెరకెక్కుతోంది. తెలుగు - తమిళ - హిందీ భాషల్లో ఈ చిత్రాన్ని రిలీజ్ చేయబోతున్నారు.