ఐటెం అవతార్ లో తమ్మూ అదుర్స్..

మిల్కీ బ్యూటీ తమన్నా హీరోయిన్ గానే కాదు.. ఏ రోల్ లో అయినా ఇరగదీసేస్తోంది. ఐటెం భామగా మెరిసేందుకు ఏ మాత్రం అబ్జెక్షన్ చేయని ఈ సుందరి.. ట్యాలెంట్ చూపించేందుకు గట్టిగా వసూలు చేస్తుంది కానీ, అడిగిన రోల్ ని అంగీకరించేస్తుంది. ప్రస్తుతం బెల్లంకొండ శ్రీనివాస్ స్పీడున్నోడు చిత్రాన్ని చేస్తున్నాడు. భీమినేని డైరెక్షన్ లో రూపొందుతున్న ఈ మూవీ.. ఓ తమిళ చిత్రానికి రీమేక్.

స్పీడున్నోడులో ఓ స్పెషల్ అంటే స్పెషల్ అని చెప్పదగ్గ ఐటెం సాంగ్ లో తమ్మూ తళుకులు చూపిస్తోంది. గతంలోనూ ఈ బెల్లంకొండంతో ఐటెం చేసిన అనుభవం ఉండడంతో.. ఈసారి కొంచెం ఎక్కువగానే చిందులేసింది మిల్కీ. డ్రస్సింగ్ నుంచి డ్యాన్సుల వరకూ బాగా చితక్కొట్టేసిందని సినిమా వర్గాలు చెప్పుకుంటున్నాయి. హీరో ఫ్రెండ్ పెళ్లి సందర్భంగా ఇచ్చే బ్యాచిలర్స్ పార్టీలో.. ఈ పాట వస్తుందంట. 'బ్యాచిలర్ బాబు' అంటూ సాగే పాట కోసం.. తమన్నా అందాలు, స్టెప్పులు అదుర్స్ అనిపించేలా ఉంటాయట. అసలు స్పీడున్నోడు చిత్రానికి ఈ పాటే హైలైట్ అవుతుందని నమ్మకం పెట్టేసుకున్నారు నిర్మాతలు.

గతంలో బెల్లంకొండ శ్రీనివాస్ మొదటి సినిమా అల్లుడు శీనులో తమన్నా ఐటెం సాంగ్ చేయడానికి ప్రధాన కారణం రెమ్యూనరేషన్ ఎక్కువ ఇవ్వడమే అన్నారు. కానీ ఇప్పుడు అదే కుర్ర హీరో పక్కన రెండోసారి కూడా చిందులేసేసింది మిల్కీ బ్యూటీ. అంటే రెమ్యూనరేషన్ విషయంలో సరైన ఆఫర్ వస్తే.. ఎన్నిసార్లైనా ఐటెం అవతారం ఎత్తేస్తుందన్న మాట.