150వ సినిమా హీరోయిన్ మిల్కీనే!?

మెగాస్టార్ చిరంజీవి హీరోగా వినాయ‌క్ ద‌ర్శ‌క‌త్వంలో 150వ సినిమా తెర‌కెక్క‌నున్న సంగ‌తి తెలిసిందే. 150వ సినిమాగా 'క‌త్తి' రీమేక్‌ ని హీరో కం నిర్మాత రామ్‌ చ‌ర‌ణ్ అధికారికంగా ధృవీక‌రించారు. చిరు రీఎంట్రీ సినిమా కాబ‌ట్టి క‌థ - స్ర్కిప్టు విష‌యంలో ఎన్నో జాగ్ర‌త్త‌లు తీసుకుంటున్నారు. ఎంట‌ర్‌ టైన్‌ మెంట్ ఏమాత్రం మిస్సవ్వ‌కుండా, సందేశం ఇచ్చే సినిమాగా తీర్చిదిద్దేందుకు ప‌రుచూరి సోద‌రుల‌తో క‌లిసి విన‌య్ క‌స‌ర‌త్తులు చేస్తున్నాడు.

ఈ క‌స‌ర‌త్తు సీరియ‌స్ ఫేజ్‌ లో ఉంద‌ని చెబుతున్నారు. ఇక ఫైన‌ల్ బౌండ్ స్క్రిప్టు రెడీ అయిపోయే టైమ్ వ‌చ్చేసింది కాబ‌ట్టి.. ఈ మూవీకి కాస్టింగ్ సెల‌క్ష‌న్స్ గురించి అంతే సీరియ‌స్‌ గా ఆలోచిస్తున్నార‌ని తెలుస్తోంది. ఇప్ప‌టివ‌ర‌కూ న‌టీన‌టుల వివ‌రాలేవీ తేల‌లేదు కానీ.. మిల్కీ వైట్ బ్యూటీ త‌మ‌న్నాకి క‌థానాయిక‌గా న‌టించే ఛాన్సుంద‌ని మెగా క్యాంప్ నుంచి రివీలైంది. ఇప్పుడున్న నాయిక‌ల్లో మిల్కీ బ్యూటీకి మెగా కాంపౌండ్‌ తో చ‌క్క‌ని సాన్నిహిత్యం ఉంది. ఇప్ప‌టికే ప‌వ‌న్‌ - బ‌న్ని - చ‌ర‌ణ్‌ ల స‌ర‌స‌న న‌టించేసింది. అల్లు అర‌వింద్ గీతా ఆర్ట్స్‌లోనే 100 ప‌ర్సంట్ ల‌వ్ లాంటి బ్లాక్‌ బ‌స్ట‌ర్ హిట్‌ ని ఇచ్చారు. కాబ‌ట్టి త‌మ్మూకి మెగా మూవీలో ఛాన్స్ ద‌క్కిన‌ట్టేన‌ని అంటున్నారు.

బాస్ చిరంజీవికి త‌మ‌న్నా డ్యాన్సింగ్ స్ట‌యిల్ అంటే ఇష్టం. `ర‌చ్చ‌`లో త‌మ‌న్నా డ్యాన్సులు చూసి ప‌రేషాన్ అయిపోయాన‌ని చెప్పారు. వీలుంటే తాను కూడా త‌మ్మూతో క‌లిసి లెగ్గు షేక్ చేస్తాన‌ని అన్నారు. అంటే ఇప్ప‌టికైతే త‌మన్నాకే ఛాన్స్ ఎక్కువ‌. ఇక పోతే చివ‌రి నిమిషంలో న‌య‌న‌తార‌ - ఇలియానా - త్రిష పేర్లు వినిపించినా ఆశ్చ‌ర్య‌పోన‌క్క‌ర్లేదు. అదీ మ్యాట‌రు.