తమ్మూ.. ఈ అవతారం ఏంటి నానా?

మిల్కీ బ్యూటి తమన్నా.. సినిమాల్లో గ్లామర్‌ పండించమంటే.. రోల్‌ కోసం ఎంత దూరమైనా వెళ్తుంది. అయితే ఆమెను గ్లామరసం ఏమీ పిండొద్దమ్మా అంటే మాత్రం ఒకప్పుడు కాస్త వెనకడుగు వేసేదేమో. ఇప్పుడు మాత్రం అలాంటి ఆర్టిస్టిక్‌ పాత్రలు చేయడానికి రెడీ అయిపోయింది.

త్వరలో రానున్న తమిళ సినిమా ధర్మదురై లో.. అసలు మన తమన్నా గ్లామరస్‌ గానే కనిపించదటే. కాటన్‌ చీరల్లో టిపికల్‌ తమిళమ్మాయ్‌ గా కనిపిస్తుందట. అయితే ఈ సినిమాలోని ఒక స్పెషల్‌ సీన్‌ కమ్ సాంగ్‌ కోసం మాత్రం.. ఒక స్పెషల్‌ గెటప్‌ వేసింది తమ్మూ. చూస్తుంటే ఒక అరబ్బీ డ్యాన్సర్‌ లా.. మరోవైపు ఆ టోపీతో ఒక పార్సీ లేడీగా కనిపిస్తోంది అమ్మడు. విజయ్‌ సేతుపతి హీరోగా రూపొందుతున్న ఈ సినిమాలోని మరో హీరోయిన్.. శృష్టి డాంగే తో కలసి అలా ఫోజిచ్చింది మిల్కీ.

ఒక్కసారిగా చూస్తే మాత్రం.. ఈ అవతారం ఏంటి నానా అని ఎవరైనా అడుగుతారు.. కాకపోతే చూడ్డానికి తమ్మూ చాలా క్యూట్‌ గా ఉంది కదూ...