మిల్కీ చిందులతో పైసా వసూల్

న్యూ ఇయర్ వేడుకలంటే చాలు ఎంత బిజీగా ఉన్నా అందరు పనులన్నటిని పక్కంపెట్టేసి ఎంజాయ్ చేస్తుంటారు. మన పండగ కాకపోయినా ఫారెన్ బాటలో నడిస్తే ఓ స్టైల్ అనుకోని కేక్ కట్ చేసి చిందులేస్తుంటారు. గల్లీ నుంచి ఢిల్లీ దాకా యువత మందు మత్తులో మునిగిపోయి ఎంజాయ్ చేస్తుంటారు. ఇక సినిమా తారల విషయానికి వస్తే.. న్యూ ఇయర్ వేడుకల్లో పాల్గొంటే ఎంజాయ్ తో పాటు మంచి ఇన్ కమ్ కూడా వారికి లాభమే..

ముఖ్యంగా హీరోయిన్స్ తో స్పెషల్ డ్యాన్సులు కుర్రకారుకు ఓ కిక్కును ఇస్తాయి. ప్రస్తుతం చాలా మంది హీరోయిన్స్ కొన్ని షోలకు బుక్ అయిపోయారు. స్టేజ్ షోలతో హాట్ హాట్ గా అందరిని ఆకట్టుకోవడానికి రెడీ అవుతున్నారు. అందులో తమన్నా ఇప్పుడు హాట్ టాపిక్ అయ్యింది. అమ్మడు విజయవాడ లోని హైల్యాండ్ లో జరిగే న్యూ ఇయర్ వేడుకల్లో స్పెషల్ డ్యాన్స్ తో ఆకట్టుకోనుంది. మిల్కీ బ్యూటీ గత రెండు సంవత్సరాల నుండి ఎక్కువగా అమెరికాలోని న్యూ ఇయర్ సెలబ్రేషన్స్ లో పాల్గొంది.

ఎక్కువగా ఎన్నారై లని ఆనందపరచిన తమన్నా ఈ సారి లోకల్ మాస్ కుర్రకారుని ఆకర్షించేందుకు సిద్ధమైంది. ఆమెతో పాటు మెహ్రీన్ పిర్జాద - పైసా వసూల్ ఫెమ్ కైరా దత్ కూడా 2018 న్యూ ఇయర్ సెలబ్రేషన్స్ లో చిందులు వేయనుంది. ఇక యాంకర్ గా రవి - సంపూర్ణేష్ బాబు ఇతర కమెడియన్స్ సీరియల్ యాక్టర్స్ కూడా హైల్యాండ్ లో సందడి చేయనున్నారు.