వానపాటలో మరోసారి మిల్కీబ్యూటీ

ఇండస్ట్రీలోకి వచ్చి పదేళ్లు గడుస్తున్నా ఇప్పటికి తన గ్లామర్ తో అభిమానులను మెప్పిస్తూనే ఉంది మిల్కీ బ్యూటీ తమన్నా. అసలే మిలమిల మెరిసే మేనిలావణ్యంతో మెరిసోయే చందమామలా కనిపించే తమన్నా... తెల్లచీరలో వానలో తడుస్తూ చిందేస్తే పులకించిపోని గుండెలు ఉంటాయా? బద్రీనాథ్ - రచ్చ సినిమాల్లో ఇంతకు ముందు వానపాటలతో ఈ సుందరి అభిమానుల గుండె లయ తప్పేలా చేసింది. మరోసారి తడి అందాలతో మత్తెక్కించేందుకు రెడీ అవుతోంది.

నందమూరి కళ్యాణ్ రామ్ హీరోగా నటిస్తున్న సినిమాలో తమన్నా హీరోయిన్ గా నటిస్తోంది. ఈస్ట్‌కోస్ట్ ప్రొడ‌క్ష‌న్స్‌, కూల్ బ్రీజ్ సినిమాస్ సంయుక్తంగా నిర్మిస్తున్న ఈ మూవీకి జయేంద్ర దర్శకుడు. ఈ సినిమాలో తమన్నా మరోసారి వానపాటలో కనిపించనుంది. జైలవకుశ సినిమాలో ఎన్టీఆర్ తో స్వింగ్ జరా అంటూ స్టెప్పులేయించి ఇప్పుడు అతడి అన్నకళ్యాణ్ రామ్ తో కలిసి స్టెప్పులేస్తోంది. వలపు వాన అంటూ సాగే ఈ పాటలో మిల్కీ బ్యూటీ హాట్ హాట్ గా కనిపించనుంది అనేది లేటెస్ట్ టాక్.

ఇటువైపు గ్లామర్ పాత్రతో కమర్షియల్ ఎంటర్ టెయినర్లలో నటిస్తూనే మరోవైపు హీరోయిన్ ఓరియంటెడ్ సినిమా క్వీన్ లోనూ తమన్నా హీరోయిన్ గా నటిస్తోంది. కంగనా రనౌత్ హీరోయిన్ గా నటించి బాలీవుడ్ లో సూపర్ హిట్ అయిన క్వీన్ మూవీకి అఫీషియల్ రీమేక్ గా తెరకెక్కుతున్న ఈ సినిమాకు నీలకంఠ దర్శకుడు