తమన్నా మోసపోయిందా? చెప్పట్లేదా?

మిల్కీ సైరన్ తమన్నా.. ఒకప్పుడు ఒక విషయంలో ప్రవర్తించిన తీరు ఆమె ఎంతటి కమర్షియల్ నేచర్ ఉన్న ఆర్టిస్టు అనేది అర్ధమయ్యేలా చేసింది. ఒక డబ్బింగ్ సినిమా కోసం తెలుగులో ప్రమోషన్లకు రమ్మంటే.. నేను చేసింది తమిళ సినిమా కాబట్టి.. కనీసం ఒక 10 లక్షలు అయినా ఇస్తేనే తెలుగులో రెండు ఇంటర్యూలు మూడు ప్రెస్ మీట్లకు వస్తాను అని చెప్పిందట. ఈ విషయం ఇప్పుడెందుకు చెప్పాల్సి వచ్చిందంటే..

నిజానికి అమ్మడు ఇప్పుడు ''అభినేత్రి'' అనే సినిమాపై చాలా ఆశలు పెట్టుకుంది. అయితే ఇది ఏ బాష సినిమా? తెలుగులో కోన వెంకట్ అభినేత్రి అంటుంటే.. తమిళంలో ప్రభుదేవా డెవిల్ అంటున్నాడు.. హిందీలో సోనూ సూద్‌ 2 ఇన్ 1 అని రిలీజ్ చేస్తున్నాడు. కేవలం తమిళ బాషలో తీసిన సినిమాను మొన్నటివరకు బైలింగువల్ అన్నారట. ఇప్పుడేమో హిందీలో కూడా రిలీజ్ అంటున్నారు. అయితే తమన్నాకు మాత్రం కేవలం 30 లక్షలు హీరోయిన్ గా రెమ్యూనరేషన్‌ అందింది అని తెలుస్తోంది. ఒకేసారి తీసిన సినిమాకు మూడు రిలీజులు ఓకె.. మరి మూడు చోట్లకూ తమన్నా వస్తుందా? అలా వస్తానని ఎగ్రిమెంట్ సైన్ చేసిన తరువాతనే ఆమెను ఈ సినిమాలోకి తీసుకున్నారట.

ఇంత తక్కువ ప్రైస్ కు అసలు తమన్నా మూడు బాషల్లో ప్రమోషన్లకు కూడా ఎలా ఒప్పుకుందీ అంటే.. ఆమెను మోసం చేశారు అంటున్నారు ఆమె సన్నిహితులు. కాని ఆమె బయటకు చెప్పట్లేదట. ఎందుకంటే ఈ సినిమా హిట్టయితేనే తనకు ఫ్యూచర్ ఉంటుంది కాబట్టి.. సైలెంట్ గా ఉండి సక్సెస్ తో దూసుకుపోదాం అని చూస్తోందట. ఎక్కడ నెగ్గాలో కాదు.. ఎక్కడ తగ్గాలో కూడా మిల్కీ సైరన్ కు బాగానే తెలుసు.