తమన్నాలా ఉంది.. ఎవరబ్బా ఆమె?

‘బ్రూస్ లీ’ సినిమా క్లైమాక్సులో చిరు ఎంట్రీ ఇచ్చాక.. మీరు కూడా అచ్చం బ్రూస్ లీ లాగే చేస్తున్నారు అంటూ రకుల్ చిరుకు కాంప్లిమెంట్ ఇస్తుంది. చిరు అబ్జెక్ట్ చేశాక.. అచ్చం మీలాగే బ్రూస్ లీ చేస్తున్నాడు అంటుంది. పై ఫొటో చూశాక ముందు ఎడం పక్కనున్న అమ్మాయి తమన్నా లాగే ఉంది అనిపించొచ్చు. కానీ అసలు విషయం తెలిశాక.. ఆ అమ్మాయి లాగే తమన్నా ఉందన్న విషయం బోధపడుతుంది. ఇది తమన్నా తల్లి రజని భాటియా తన యుక్త వయసులో తీయించుకున్న ఫొటో. ఈ మధ్య అనుకోకుండా ఆ ఫొటో బయటపడిందట. వెంటనే తాను కూడా తల్లిలాగే తయారైంది తమ్మూ. బ్లాక్ అండ్ వైట్లో ఫొటో షూట్ చేయించుకుని.. రెండు ఫోటోల్ని కలిపి తన ట్విట్టర్ అకౌంట్లో షేర్ చేసింది మిల్కీ బ్యూటీ. ‘‘మా అమ్మకు సంబందించిన అందమైన ఫొటో ఒకటి దొరికింది. ఇది చూస్తే నేను ఆమె రిఫ్లెక్షన్ లాగా.. ఆమెకు ఎక్స్ టెన్షన్ లాగా అనిపించాను. లవ్ యు మామ్’’ అంటూ ట్విట్టర్లో కామెంట్ పెట్టింది తమ్మూ. తల్లి పోలికల్ని పక్కనబెడితే.. శారీలో తమన్నా లుక్ సూపర్. బ్లాక్ అండ్ వైట్లోనూ ఆమె ఆకర్షణ ఏమీ తగ్గిపోలేదు.

Like Us on Facebook : https://www.facebook.com/Tupakidotcom/