ఫోటో స్టోరి: గుడి నుండి తిరిగొస్తున్న మిల్కీ

శ్రీ అనే సినిమాతో 2005 లొనే టాలీవుడ్ లోకి ఎంటర్ అయినప్పటికీ శేఖర్ కమ్ముల హ్యాపీ డేస్ వల్ల లైం లైట్ లోకి వచ్చింది మిల్కీ బ్యూటీ తమన్నా. అప్పటినుండి ఈమె కెరీర్ బాగానే సాగినప్పటికి 2017 లో పెద్ద హడావిడి చేసిన సినిమాలు లేవు. బాహుబలి 2 లో కూడా పెద్ద పాత్ర కాదు. జై లవ కుశ లో కేవలం ఐటమ్ సాంగ్ కి మాత్రమే పరిమితమయ్యింది. స్కెచ్ సినిమా లో సినిమా కూడా యావరేజ్ అనిపించుకుంది అంతే. కానీ ఈమె ఇప్పుడు చాలా సంతోషంగా ఉన్నట్టు తెలుస్తోంది.

ఈ మధ్యనే తన స్నేహితులతో మధురై లోని మీనాక్షి ఆలయానికి వెళ్లొచ్చింది తమన్నా. ఇకపై తనకు అన్ని విజయాలే కలుగుతాయి అని గట్టి నమ్మకంతో ఉంది ఈ చిన్నది. చూస్తూ ఉంటే త్వరలోనే హిట్లు కొట్టేటట్టే ఉంది. ప్రస్తుతం ఈమె చేతిలో రెండు సినిమాలు ఉన్నాయి. అందులో ఒకటి క్వీన్ కాగా ఇంకోటి నా నువ్వే. బాలీవుడ్లో సూపర్ హిట్ అయ్యి అందులో నటించిన కంగనా కు పెద్ద బ్రేక్ ఇచ్చినట్టే, ఆ సినిమా తెలుగు రీమేక్ లో నటిస్తున్న తమన్నాకి కూడా మంచి బ్రేక్ లభిస్తుంది అని ఫాన్స్ ఆనందంగా ఉన్నారు.

నా నువ్వే అనే ఒక మ్యూజికల్ లవ్ స్టొరీ లో కళ్యాణ్ రామ్ తో మొదటిసారి జత కట్టబోతోంది ఈ సుందరి. మరి పూజలు వ్రతాలు ఫలించి ఇంకేమన్నా కొత్త సినిమాలో మిల్కీ ఖాతాలో చేరతాయేమో చూద్దాం.