తమ్మూ బాహుబలి-2లో డమ్మీ కాదా?

కనిపించేది కాసేపైనా పర్వాలేదు పర్ఫెక్షన్ ఉండాలని ప్రయత్నిస్తోందో లేక.. ముందు అనుకున్నట్లు కాకుండా రోల్ పెంచారో తెలియదు కానీ.. బాహుబలి: ది కంక్లూజన్ విషయంలో తమన్నా బాగానే కష్టపడుతోందండోయ్. ఈ మధ్యే తనకో కొత్త ఫ్రెండ్ దొరికాడంటూ ఓ గుర్రం ఫొటోను తమ్మూ తన ట్విట్టర్లో అకౌంట్లో షేర్ చేసిన సంగతి తెలిసిందే. అది బాహుబలి-2 ట్రైనింగ్ లో భాగంగా అమ్మడికి ఇచ్చిన గుర్రమట. ఆ గుర్రం మీద ఎక్కి సవారీ నేర్చుకుంటున్న ఫొటోల్ని ఈ రోజు షేర్ చేసింది తమ్మూ. ఇది బాహుబలి-2 కోసం సాగుతున్న ట్రైనింగ్ అని కూడా కన్ఫమ్ చేసింది తమ్మూ.

‘బాహుబలి: ది బిగినింగ్’లో తన అందంతో.. అభినయంతో ఆకట్టుకున్న తమ్మూ.. రెండో భాగంలో తన పాత్ర నామమాత్రమని చెప్పిన సంగతి తెలిసిందే. దర్శకుడు రాజమౌళి సైతం ఈ మాటే అన్నాడు. రెండో భాగంలో అనుష్కదే ప్రధాన పాత్ర అని.. ఆమెకే ఎక్కువ స్క్రీన్ ప్రెజెన్స్ ఉంటుందని అన్నాడు. తమన్నా కనిపించేది కాసేపే అని చెప్పాడు. బహుశా బాహుబలి-2 కథ మీద ఉన్న అంచనా ప్రకారం.. ఇది ఫ్లాష్ బ్యాక్‌ తో మొదలై.. చివర్లో శివుడు భల్లాలదేవుడి మీద చేసే యుద్ధంతో ముగిసే అవకాశాలున్నాయి. ఆ యుద్ధంలో అవంతిక కూడా పాల్గొనేందుకు ఆస్కారముంది. కనిపించేది కాసేపే అయినా.. యుద్ధ సన్నివేశాల్లో పర్ఫెక్షన్ కోసం తమన్నా ఈ గుర్రపుస్వారీ సాధన చేస్తున్నట్లుంది.