మిల్కీకి కొత్త వారొచ్చినా నో ప్రాబ్లం

మామూలుగా కొత్త హీరోయిన్లు వస్తున్నారంటే.. ఇప్పటికే ఉన్న హీరోయిన్లకు బ్యాండ్‌ పడుతుందేమో అనే భయం ఉంటుంది. కాని మిల్కీ బ్యూటి తమన్నా మాత్రం.. నాకు అటువంటి ప్రాబ్లం లేదంటోంది. అమ్మడికి ఎవరొచ్చిన పర్లేదట.

''ఫిలిం ఇండస్ర్టీకి కొత్త కొత్త నటీమణులు రావడంతో పోటీ తప్పనిసరిగా ఉంటుందంటున్నారు. నిజానికి అలాంటిదేమీ లేదు. ఇప్పుడు ఏడాదికి 150 చిత్రాలకు పైగా నిర్మాణం అవుతున్నాయి. వాటన్నిటిలోనూ కొద్ది మంది నాయికలతోనే పూర్తి చేయలేరు. కాబట్టి కొత్తవారు రావాలి. వాళ్ల వల్ల నాలాంటి ప్రముఖ కథానాయికల మార్కెట్‌ కు ముప్పు ఏర్పడుతుందని భయపడాల్సిన అవసరం లేదు. నా స్థానం ఎప్పుడూ నాకు ఉంటుంది. దాన్ని ఎవరూ దక్కించుకోలేరు. డబ్బు, ప్రఖ్యాతలపై నాకు ఆరాటం లేదు. భవిష్యత్ లక్ష్యం అంటూ ఏమీలేదు'' అంటోంది మిల్కీ సైరన్‌ తమన్నా.

ప్రస్తుతం నాగార్జున సరసన ఊపిరి.. తమిళంలో ఓ చిత్రం.. అలాగే బెల్లంకొండ శ్రీనివాస్‌ సినిమాలో ఐటెం సాంగ్‌.. బాహుబలి 2 లో నటిస్తోంది తమన్నా. కెరియర్‌ ఢాం అనుకున్న సమయంలో బాహుబలి ఆమెను తిరిగి ప్రిన్సెస్‌ పొజిషన్‌ లో నిలబెట్టింది.