తమన్నాకి ఇంత సెల్ఫీల పిచ్చా?

ఐఫా అవార్డుల వేదిక హాట్ హాట్ గా జరుగుతూ హీట్ పుట్టించేస్తోంది. వయ్యారి భామల అందాల ప్రదర్శనలు, అభిమాల హీరోల మెస్మరైజింగ్ లుక్స్, మధ్యమధ్యలో అదిరిపోయే డ్యాన్సులతో స్టేడియం అంతా కళకళలాడిపోతోంది. అసలు హైద్రాబాద్ కే కొత్త లుక్ తీసుకొచ్చేసింది ఈ అవార్డ్ ఫంక్షన్.

ఈ ఈవెంట్ లో మిగతావన్నీ ఒక ఎత్తైతే.. నటీనటుల డ్యాన్స్ పెర్ఫామెన్స్ లు మరో ఎత్తు. మిల్కీ బ్యూటీ తమన్నా వేసిన హాట్ స్టెప్స్ అందరికీ నచ్చేశాయి. ఆహుతులనే కాదు, ప్రేక్షకులను కూడా ఆకట్టుకున్నాయి. అయితే ఈ ఈవెంట్ లో తమన్నా కేవలం స్టేజ్ పైనే కాకుండా.. విడిగా కూడా రచ్చ రచ్చ చేసేసింది. సెల్ఫీలతో తెగ హల్ చల్ చేసింది. ముఖ్యంగా టాలీవుడ్ సూపర్ స్టార్ మహేష్ బాబు - మన్మథుడు అక్కినేని నాగార్జునలతో సెల్ఫీలు దిగింది తమ్మూ.

ఎవరైనా సెలబ్రిటీ కనిపిస్తే.. సెల్ఫీలు కోసం పాకులాడ్డం సామాన్యంగా అభిమానులు చేస్తుంటారు. కానీ తనే ఓ పెద్ద హీరోయిన్ అయినా సరే.. స్టార్ హీరోలతో మిల్కీ సెల్ఫీలు తీసుకున్న తీరు ఆశ్చర్యపరిచింది. అలాగని వీళ్లని బుట్టలో పడేయడానికి చేస్తోందేమో అనుకోవడానికి కూడా లేదు. మహేష్ తో ఇప్పటికే ఆగడులో ఆడిపాడింది ఈ వయ్యారి. ఇక నాగ్ తో అయితే.. ఇప్పుడు ఊపిరి సినిమాలో కలిసి నటిస్తోంది. చాలా కాలంగా ఈ మూవీ కోసం కలిసి జర్నీ చేస్తోంది. అయినా సరే వారిద్దరితో తమన్నా ఫోటోల కోసం ఆరాటపడ్డం మాత్రం అందరినీ ఆశ్చర్యానికి గురిచేసింది.