మిల్కీ బ్యూటీ అక్కడికి మకాం మార్చనుందా...?

'శ్రీ' సినిమాతో తెలుగు తెరకు పరిచయమైన బ్యూటీ తమన్నా భాటియా. 'హ్యాపీడేస్' సినిమాతో అమాంతం క్రేజ్ పెంచేసుకుంది. తక్కువ కాలంలోనే అగ్ర కథానాయకులతో నటించి స్టార్ హీరోయిన్ గా తనకంటూ ఒక బ్రాండ్ సెట్ చేసుకుంది. దాదాపు టాలీవుడ్ లో అందరు హీరోలతో అమ్మడు స్క్రీన్ షేర్ చేసుకుంది. ఛాన్స్ వచ్చినప్పుడు ఆ సినిమా చిన్నదా పెద్దదా అనే బేధాలు లేకుండా నటించి బిజీ ఆర్టిస్ట్ గా మారిపోయింది. సినీ కెరీర్ స్టార్ట్ చేసిన ఇన్నేళ్లలో తమన్నా ఒక్క ఏడాది కూడా సినిమా ఛాన్సెస్ లేక ఖాళీగా ఉండలేదంటేనే తెలుస్తోంది ఈ ముద్దుగుమ్మకి ఉన్న క్రేజ్. గత ఏడాది ఏడు సినిమాల్లో నటించిన తమన్నా ఈ ఏడాది ప్రారంభంలో వచ్చిన 'సరిలేరు నీకెవ్వరూ' సినిమాలో మహేష్ బాబు పక్కన డాంగ్ డాంగ్ అనే పాటలో చిందులేసింది. టాలీవుడ్ 'మిల్కీ బ్యూటీ'గా తనకంటూ ఒక ప్రత్యేకమైన గుర్తింపు తెచ్చుకున్న తమన్నా భాటియా జయాపయాలతో సంబంధం లేకుండా వరుస అవకాశాలతో దూసుకుపోతోంది. అప్పుడప్పుడు బాలీవుడ్ లో కూడా తన అదృష్టాన్ని పరీక్షించుకున్న తమన్నా ఎందుకో గాని అక్కడ పెద్దగా సక్సెస్ కాలేకపోయింది.

ప్రస్తుతం బాలీవుడ్ లో నవాజుద్దీన్ సిద్ధికీ సరసన 'బోలే చుడియా' సినిమాలో నటిస్తోంది తమన్నా. మన టాలీవుడ్ విషయానికొస్తే గోపీచంద్ సరసన 'సీటిమార్' సినిమాలో నటిస్తోంది. మిల్కీ బ్యూటీ పెట్టుకున్న కొన్ని రూల్స్ కారణంగానే టాలీవుడ్ లో అవకాశాలు తగ్గుతున్నాయట. ఆ రూల్స్ కార‌ణంగానే త‌మ‌న్నా అందం టాలెంట్ ఉన్న‌ప్ప‌టికీ బాలీవుడ్ లో పేరు తెచ్చుకోలేకపోయిందట. ఇప్పుడు బాలయ్య సరసన నటించే అవకాశం తమన్నాకి వచ్చిందట. ఒకవేళ బాల‌య్యతో న‌టిస్తే మ‌ళ్లీ మాస్ లో తమ్మూ బేబీకి ఫుల్ క్రేజ్ వ‌చ్చే అవ‌కాశం ఉంది. అయితే దీనికి త‌మ‌న్నా పెట్టుకున్న రూల్స్ కొన్ని బ్రేక్ చేయాల్సి వ‌స్తుంది. రోజుకొక కొత్త హీరోయిన్ వచ్చి అందాలను ఆరబోయడానికి సిద్ధపడుతున్న ఈ రోజుల్లో ఇంకా రూల్స్ అంటూ కూర్చుంటే ఎలా అని తెలిసిన వాళ్ళు సలహా ఇస్తున్నారట. అంతేకాకుండా ఈ మిల్కీ బ్యూటీకి క‌న్న‌డ చిత్రసీమ ఎప్ప‌టి నుంచో వెల్ క‌మ్ చెబుతోంది. కేజీఎఫ్ త‌రువాత య‌శ్ న‌టించే సినిమాలో హీరోయిన్ గా త‌మ‌న్నాకు ఆఫ‌ర్ వచ్చిందట. అయితే ఈ బ్యూటీ నుంచి గ్రీన్ సిగ్నల్ ఇంకా రాలేదని కొంద‌రు కాస్టింగ్ ఏజెంట్స్ చెబుతున్నారు. ఒకవేళ ఈ ఆఫ‌ర్ ని త‌మ‌న్నా ఓకే చేస్తే.. క‌న్న‌డ సీమ‌లో మిల్కీ బ్యూటీ ధాటికి అక్క‌డ స్టార్ హీరోయిన్లు స‌ర్ధుకోవాల్సిందే అని చెప్పొచ్చు. మరి రాబోయే రోజుల్లో ఈ మిల్కీ బ్యూటీ ఎలాంటి డెసిషన్స్ తీసుకోబోతుందో చూడాలి.