ఈసారి ఊ అంటవా ఊఊ అంటావా అనేది మిల్కీబ్యూటీ

అల్లు అర్జున్‌.. సుకుమార్ కాంబినేషన్ లో వచ్చిన పుష్ప సినిమాలో హీరోయిన్ గా రష్మిక మందన్నా నటించగా సమంత ఐటం సాంగ్‌ ను చేసిన విషయం తెల్సిందే. ఊ అంటావా మావా అంటూ సమంత చేసిన ఐటం సాంగ్ ఏ స్థాయిలో వైరల్‌ అయ్యిందో ప్రత్యేకంగా చెప్పనక్కర్లేదు.

దేవి శ్రీ ప్రసాద్‌ ట్యూన్స్‌... సమంత డాన్స్.. కొరియోగ్రపీ.. డైరెక్షన్‌ ఇలా ప్రతి ఒక్కటి కలవడంతో ఐటం సాంగ్ కాస్త దశాబ్దపు ఐటం సాంగ్ గా నిలిచింది.

పుష్ప సూపర్ హిట్‌ లో ఐటం సాంగ్ కీలక పాత్ర పోషించింది అనడంలో ఎలాంటి సందేహం లేదు. ఇప్పుడు పుష్ప 2 సినిమా పట్టాలెక్కబోతుంది. ఐటెం సాంగ్‌ కంటిన్యూ అవ్వడం పక్కా... అయితే పుష్ప 2 లో ఉండబోతున్న ఐటం సాంగ్‌ లో కనిపించబోతున్నది ఎవరు అనే విషయం ప్రస్తుతం చర్చనీయాంశంగా ఉంది.

బాలీవుడ్ ముద్దుగుమ్మల నుండి మొదలుకుని ఎంతో మంది హీరోయిన్స్ పేర్లు ఈ సెకండ్ పుష్ప ఐటం సాంగ్ గురించి పరిశీలిస్తున్నారు అంటూ వార్తలు వస్తున్నాయి. ఊ అంటావా కి ఏమాత్రం తగ్గకుండా పుష్ప 2 లో ఐటెం సాంగ్ ను దేవి శ్రీ ప్రసాద్‌ ట్యూన్‌ చేసే అవకాశాలు ఉన్నాయి. ఆ ఐటం సాంగ్ కి తగ్గట్లుగా మిల్కీ బ్యూటీని తమన్నా ను తీసుకు వచ్చే ఉద్దేశ్యంతో సుకుమార్ ఆలోచిస్తున్నాడట.

గతంలో తమన్నా పలు ఐటం సాంగ్స్ చేసిన విషయం తెల్సిందే. అందుకే పుష్ప 2 లో ఆమె ఐటం సాంగ్ చేస్తే తప్పకుండా మంచి పాపులారిటీని సొంతం చేసుకోవడం పక్కా.. సినిమాకి కూడా మంచి బజ్ క్రియేట్‌ అవ్వడం ఖాయం అనే అభిప్రాయం ను చాలా మంది వ్యక్తం చేస్తున్నారు.

ఇంకా పుష్ప 2 సినిమా పట్టాలెక్కలేదు.. షూటింగ్‌ ప్రారంభం అయిన తర్వాత ఐటం సాంగ్ విషయమై క్లారిటీ వచ్చే అవకాశం ఉంది. ప్రస్తుతం మీడియాలో వస్తున్న వార్తలు అన్నీ కూడా కేవలం ఊహాజనిత కథనాలే అయ్యి ఉండవచ్చు. ఎప్పుడైతే సుకుమార్ అధికారికంగా ప్రకటిస్తాడో అప్పటి వరకు వెయిట్‌ చేయాల్సిందే.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.