గురూజీ క‌మ్ముల‌ను క‌లిసిన ఆనందంలో హ్యాపీడేస్..!

కొన్ని క‌ల‌యిక‌లు రేర్ గా ఆక‌ర్ష‌ణీయంగా అనిపిస్తాయి. ఎన్నారై గా ఉన్న శేఖ‌ర్ క‌మ్ముల టాలీవుడ్ లో అడుగు పెట్ట‌డం ఇక్క‌డ హ్యాపీడేస్ అనే చిత్రాన్ని కొత్త కుర్రాళ్ల‌తో ప్రారంభించడం అందులో అర‌డ‌జ‌ను యువ‌త‌రం హీరోలు ప‌రిచ‌యం అవ్వ‌డం తెలిసిందే. కాలేజ్ జీవితంలో హ్యాపీడేస్ ఎంత అందంగా ఎంత అద్భుతంగా ఉంటాయో తెర‌పై చూపించ‌డంలో క‌మ్ముల పెద్ద స‌క్సెస‌య్యారు. హ్యాపీడేస్ టీమ్ లో త‌మ‌న్నా సంద‌డి త‌క్కువేమీ కాదు. వ‌రుణ్ సందేశ్ తో సెన్సిబుల్ ప్రేమాయ‌ణం సాగించే కాలేజ్ అమ్మాయిగా చ‌క్క‌ని అభిన‌యంతో ఆక‌ట్టుకుంది.

ఇక ఆ సినిమా బంప‌ర్ హిట్ కొట్టాక ఫిదా లాంటి మ‌రో ప్రేమ‌క‌థా చిత్రంతోనూ క‌మ్ముల అంతే పెద్ద బ్లాక్ బ‌స్ట‌ర్ కొట్టారు. ఇప్పుడు ఏకంగా ల‌వ్ స్టోరి అంటూ నాగ‌చైత‌న్య‌- సాయిప‌ల్ల‌వి జంట‌తో సినిమా తీస్తున్నారు. ఒకే ఒక్క సారంగ ద‌రియా పాట‌తో ల‌వ్ స్టోరిపై భారీ అంచ‌నాలేర్ప‌డ్డాయి.

ఇక ఈ సినిమా ప్ర‌మోష‌న్స్ కోసం క‌మ్ముల బృందం స‌ర్వ‌స‌న్నాహ‌కాల్లో ఉండ‌గా మిల్కీ వైట్ బ్యూటీ త‌మ‌న్నా గురూజీ క‌మ్ముల‌ను క‌లిసి ఇలా స‌ర్ ప్రైజ్ చేశారు. క‌మ్ముల‌ను క‌లుసుకున్న సంద‌ర్భంగా త‌మ‌న్నా త‌న ఆనందాన్ని ఎంత‌మాత్రం దాచుకోలేక‌పోయింది. ఆశ్చ‌ర్యంతో కూడుకున్న ఆనందంలో ఉబ్బిత‌బ్బిబ్బ‌య్యింది. త‌మ‌న్నా ఇన్ ‌స్టాగ్రామ్ లో ఈ ఫోటోని షేర్ చేసింది.

నాగ చైతన్య- సాయి పల్లవి నటించిన లవ్ స్టోరీ థియేట‌ర్ల‌లో రాక‌ కోస‌మే వేచి చూస్తున్నా అంటూ త‌మ‌న్నా ఎంతో ఎగ్జ‌యిట్ అయ్యింది. ``నేను ఎవ‌రో.. శేఖర్ సర్ - నా జీవితంలో హ్యాపీ డేస్ ను ప్రారంభించారు. ఆయ‌న నుంచి లవ్ స్టోరీ కోసం వేచి చూస్తున్నా`` అని అంది. చై- సాయి ప‌ల్లవికి ఆల్ ది బెస్ట్ అని తెలిపింది. అన్న‌ట్టు గురూజీని క‌లిసిన సంద‌ర్భంగా హ్యాపీ డేస్ సీక్వెల్ గురించి ఏమైనా ప్ర‌శ్నించిందా మిల్కీ? ఏమో త‌నే ఆ సంగ‌తి చెప్పాలి. తమన్నా భాటియా ప్ర‌స్తుతం ఎఫ్ 3లో న‌టిస్తోంది. అంధాధున్ రీమేక్ లోనూ త‌మ‌న్నా నాయిక‌గా న‌టిస్తోంది.