విశాల్ కు విలన్ గా మిల్కీ బ్యూటీ?

ఎఫ్2 బ్లాక్ బస్టర్ సక్సెస్ తో తమన్నా మహా హుషారుగా ఉంది. ఇంతకు ముందు బాహుబలి లాంటి ఇండస్ట్రీ హిట్ ఖాతాలో ఉన్నా తనకేమి దక్కకపోగా సోలో హీరోయిన్ గా చేసిన నా నువ్వే లాంటివి దారుణంగా దెబ్బ కొట్టడంతో ఇక కష్టమే అనుకున్నారు అందరు. కానీ సంక్రాంతికి వచ్చిన బంపర్ హిట్ మిల్కీ బ్యూటీని మళ్ళి లైమ్ లైట్ లోకి తీసుకొచ్చింది. సైరా మీద కూడా అమ్మడికి చాలా హోప్స్ ఉన్నాయి.

ఇదిలా ఉండగా ఇక్కడ కంటే ఎక్కువ కోలీవుడ్ లోనే తమన్నాకు ఆఫర్స్ బాగున్నాయి. ఇటీవలే చేసిన మెసేజ్ ఓరియెంటెడ్ మూవీ కన్నే కలైమన్నే కమర్షియల్ గొప్ప విజయం సాధించకపోయినా తనకు మంచి పేరే తీసుకొచ్చింది. త్వరలో చేయబోయే ప్రాజెక్ట్స్ గురించి ముచ్చట్లు చెప్పిన తమన్నా అందులో ఒక షాకింగ్ న్యూస్ కూడా చెప్పింది

విశాల్ హీరోగా ఒ కొత్త దర్శకుడు చేయబోయే మూవీలో తమన్నా నెగటివ్ షేడ్స్ ఉన్న రోల్ చేస్తోందట. దీని కోసం మెంటల్ గా ఫిజికల్ గా తనను తాను సన్నద్ధం చేసుకునే దిశగా ప్రిపేర్ అవుతోందట. ఇంత బిల్డప్ ఉందీ అంటే ఇదేదో ఆషామాషీ రోల్ కాదన్న మాట. మరి తమన్నా విలన్ అంటే హీరొయిన్ ఎవరబ్బా అనే ప్రశ్న వస్తుందిగా.

అదే సస్పెన్స్ అంటోంది. ఒకవేళ రెండు పాత్రలు తనే డ్యూయల్ రోల్ చేస్తోందేమో. విశాల్ తో గతంలో రెండు సినిమాలు చేసిన తమ్ముకి ఈ కాంబోలో ఇది మూడోది. దర్శకుడి పేరు తదితర వివరాలు ఎక్కువ పంచుకోలేదు. మైండ్ గేమ్స్ ఆడే పాత్ర కాబట్టి ఛాలెంజింగ్ గా ఉంటుందన్న ఒక్క క్లూ మాత్రమే ఇస్తోంది. బాగుంది. దశాబ్దం దాటిన తర్వాత కూడా తమన్నా మంచి ఆఫర్సే వస్తున్నాయి.