తమ్మూకి బాలీవుడ్ బంపరాఫర్

బాహుబలి మూవీ తమన్నా రేంజ్ ని ఎక్కడికో తీసుకెళ్లిపోయింది. ఇప్పుడీ సుందరాంగి హిందీలోనూ హాట్ ఫ్యావరేట్ అనే మాట వినిపిస్తున్నా.. ఇప్పటివరకూ ఒక బాలీవుడ్ మూవీ కూడా సైన్ చేయకపోవడంతో.. ఇక ఆశలు ఆవిరైనట్లే అనుకున్నారంతా. కానీ ఇప్పుడు తమన్నాకి ఓ బంపర్ ఆఫర్ వచ్చింది. రణ్ వీర్ సింగ్ ప్రస్తుతం బాలీవుడ్ లో టాప్ స్టార్స్ లో ఒకడు.

అలాగే కమర్షియల్ మూవీస్ డైరెక్టర్ గా టాప్ రేంజ్ లో ఉన్నాడు దర్శకుడు రోహిత్ శెట్టి. వీరిద్దరి కాంబినేషన్ లో తెరకెక్కుతున్న మూవీలో అవకాశాలు పట్టేసింది తమన్నా భాటియా. రణ్ వీర్ సింగ్ తో త్వరలో మిల్క్ బ్యూటీ చేయబోతున్న విషయాన్ని డైరెక్టర్ రోహిత్ శెట్టి కన్ఫాం చేశాడు. 'ఇప్పుడే ఈ ప్రాజెక్టుపై నేను ఏదీ చెప్పలేను. కానీ, వారిద్దరి కాంబినేషన్ ఫైనల్ చేసిన మాట నిజమే. రణ్ వీర్ ఎనర్జీ ఈ చిత్రానికి ప్లస్ అవుతుంది. అలాగే సౌత్ లో అమితమైన పాపులారిటీ ఉన్న తమన్నా హీరోయిన్ గా చేస్తుండడంతో.. ఈ సినిమాకు నేషనల్ వైడ్ గా ఇంట్రెస్ట్ కలుగుతుంది' అని చెప్పాడు రోహిత్ శెట్టి.

బాలీవుడ్ లో చాలా కాలంగా ట్రయల్స్ వేస్తున్న మిల్కీ బ్యూటీకి ఇప్పటివరకూ సరైన ఆఫర్ రాలేదు. వచ్చిన ఒకటీ, అరా సినిమాలు కూడా నిరుత్సాహ పరించాయి. ఇప్పుడీమెకు రణ్ వీర్ చిత్రంలో ఆఫర్ అంటే.. అది బాహుబలి మహిమే అనాల్సిందే.