రెడీ రెడీ.. తమన్నా రచ్చ ఇలా ఉంది!

ప్రభుదేవా..తమన్నా ప్రధాన పాత్రలలో నటించిన 'అభినేత్రి 2' (తమిళంలో దేవి 2) మే 31 న రిలీజ్ కానుంది. ఎఎల్ విజయ్ దర్శకత్వంలో తెరకెక్కిన ఈ హారర్ కామెడీపై భారీ అంచనాలైతే లేవు కానీ ప్రభు - తమన్నా కాంబో మాత్రం ఆసక్తి కలిగిస్తోంది. తాజాగా ఈ సినిమా నుండి 'రెడీ రెడీ' అంటూ సాగే ఒక వీడియో సాంగ్ ను విడుదల చేశారు.

ఈ చిత్రానికి సంగీతం దర్శకుడు సామ్ సిఎస్. ఈ పాటను పాడినవారు నిన్సీ విన్సెంట్. తమిళ పాట అయినా లిరిక్స్ క్యాచీగా ఉన్నాయి. "ఓ మై డార్లింగు బేబీ. నా ఉన్నోడ రౌండ్ రౌండ్ జిలేబీ" అంటూ సగం ఇంగ్లీష్ పదాలతోనే పాట సాగింది. ట్యూన్ కూడా క్యాచీగానే ఉంది. ఇక మిల్కీ బ్యూటీ ఈ పాటలో గ్లామర్ ను ఫుల్లుగా ఒలకబోసింది. ఇండియన్ మైఖేల్ జాక్సన్ అయిన ప్రభు ముందు నిలబడి తనదైన శైలిలో చెలరేగిపోయి మరీ డ్యాన్స్ చేసింది. తమన్నా సోఫా మీద పడుకుని వేసే స్టెప్పులు ఇంతవరకూ ఆమె కెరీర్ మొత్తం మీద వేసి ఉండదు. అంత రెచ్చిపోయింది.

ఈ సినిమాలో కోవై సరళ.. ఆర్జే బాలాజీ.. నందిత శ్వేత ఇతర కీలక పాత్రలలో నటిస్తున్నారు. ట్రైడెంట్ ఆర్ట్స్ బ్యానర్ పై ఈ చిత్రాన్ని నిర్మిస్తున్నారు. ఈ సినిమా మొదటి భాగం తెలుగులో యావరేజ్ గానే నిలిచింది. మరి సీక్వెల్ ప్రేక్షకులను ఎంతమాత్రం మెప్పిస్తుందో వేచి చూడాలి.