మిల్కీ మెరుపులకు ముహూర్తం!!

మన దేశంలో అతి పెద్ద స్పోర్ట్స్ ఈవెంట్ గా ఐపీఎల్ అవతరించి చాలా కాలమే అయింది. ప్రతీ సమ్మర్ లోనూ అటు ఎండల వేడితో పాటు.. ఇటు ఉత్కంఠభరితమైన క్రికెట్ మ్యాచ్ లు కూడా ఇండియన్ ఆడియన్స్ ను మరిపిస్తున్నాయి. ఇవాళే ఐపీఎల్ లేటెస్ట్ సీజన్ ప్రారంభం కానుండగా.. దీనికి ముందు జరిగే ఆరంభ హంగామాకు రంగం సిద్ధమైంది.

ఈ సారి హృతిక్ రోషన్ వంటి బాలీవుడ్ స్టార్ హీరో కూడా పెర్ఫామ్ చేయనుండడం హైలైట్ కానుండగా.. ఈ ఐపీఎల్ ఆరంభ సంరంభంలో మిల్కీ బ్యూటీ తమన్నా కూడా పార్టిసిపేట్ చేస్తుండడం విశేషం. తమన్నాతో 5 నిమిషాల పాటు డ్యాన్స్ ప్రోగ్రాం ఏర్పాటు చేశారు. ఇందుకోసం తమ్మూ కూడా చాలానే కష్టపడింది. బోలెడంత ప్రాక్టీస్ కూడా చేసింది. కొన్ని బాలీవుడ్ సాంగ్స్ తో పాటు.. మరి కొన్ని సౌత్ సాంగ్స్ ను కు తమన్నా పెర్ఫామ్ చేయనుందని తెలుస్తోంది. మొత్తం మీద ఓ దక్షిణాది బ్యూటీ ఐపీఎల్ లాంటి గ్రాండ్ ఈవెంట్ లో పెర్ఫామ్ చేయనుండడం విశేషం.

ఇవాళ సాయంత్రమే ఈ గ్రాండ్ ఈవెంట్ జరగనుండగా.. ఐపీఎల్ ఈవెంట్ లో డ్యాన్స్ చేసే అవకాశాన్ని తమన్నా ప్రతిష్టాత్మకంగా తీసుకుంది. కోట్లాదిమంది వీక్షించే కార్యక్రమం కావడంతో పర్ఫెక్ట్ షో ఇవ్వబోతోందిట. కొన్ని నిమిషాల పాటే పెర్ఫామ్ చేసినా.. దానికి లైఫ్ టైం వాల్యూ ఉండే రేంజ్ లో తన అందాల ప్రదర్శన ప్లస్ నాట్యం ఉండేలా జాగ్రత్త పడిందట తమ్మూ.

మరిన్ని ఫొటోస్ చూడటానికి క్లిక్ చేయండి