మాంచి ఆఫర్ పట్టేసిన తమన్నా

మిల్కీ బ్యూటీ తమన్నా పరిస్థితి ప్రస్తుతం ఏమంత గొప్పగా లేదు. ఈ భామకు బోలెడంత పేరు ఉంది కానీ.. అవేవీ ఆఫర్స్ తెచ్చిపెట్టడం లేదు. లేడీ ఓరియెంటెడ్ మూవీ అభినేత్రితో.. మూడు భాషల్లో ప్రయత్నించినా అంతగా కలిసొచ్చింది కూడా ఏం లేదు. బాహుబలి2 మినహాయిస్తే.. అమ్మడి కెరీర్ ని టర్న్ చేసే సినిమా ఏదీ ఆమె దగ్గర లేదంటే ఆశ్చర్యం ఏ మాత్రం లేదు.

ఏ భాషలోనూ క్రేజీ ఆఫర్ ఒక్కటి కూడా అమ్మడి ఖాతాలో లేని సిట్యుయేషన్ లో.. ఓ బాలీవుడ్ మూవీ కోసం జాన్ అబ్రహాంతో మిల్కీ జత కట్టనుందనే టాక్ మాత్రం ఉంది. ఇప్పుడా టాక్ ని వాస్తవం చేస్తూ.. జాన్ అబ్రహాంతో మిల్కీబ్యూటీ మూవీని కన్ఫాం చేశాడు ట్రేడ్ అనలిస్ట్ తరణ్ ఆదర్శ్. అమర్ కౌషిక్ దర్శకత్వంలో చోర్ నికాల్ కే భాగా మూవీలో వీరిద్దరూ జంటగా నటించబోతున్నట్లు తెలిపాడు. రాజ్ కుమార్ గుప్తా నిర్మాణంలో రూపొందనున్న ఈ మూవీలో.. జాన్ అబ్రహాం పోలీస్ ఆఫీసర్ రోల్ లో కనిపించడగా.. తమన్నా ఓ ఎయిర్ హెస్టెస్ రోల్ లో కనిపించనుంది.

తాజాగా ఫోర్స్2 చిత్రాన్ని ప్రేక్షకుల ముందుకు తీసుకొచ్చిన జాన్ అబ్రహాం.. త్వరలో తమన్నా సినిమాని పట్టాలెక్కించేందుకు ఫిక్స్ అయ్యాడు. మరోవైపు బాహుబలి2 తర్వాత మళ్లీ తన రేంజ్ మారుతుందని తమన్నా బోలెడన్ని హోప్స్ పెట్టుకుంది.

Like Us on Facebook : https://www.facebook.com/Tupakidotcom/