అంత ఎమోషనల్ అయ్యిందేంటో

సౌత్ మిల్కీ బ్యూటీ తమన్నా గత కొంత కాలంగా చాలా బిజీగా ఉంటోంది. ఎంత బిజీ అంటే మరో కథను కూడా ఇప్పుడు వినలేని పరిస్థితి. సినిమాల రిజల్ట్ ఎలా ఉన్నా కూడా మిల్కీ బ్యూటీకి అవకాశాలు బాగానే వస్తున్నాయి. అంతే కాకుండా బోనస్ రూపంలో స్పెషల్ సాంగ్స్ చేస్తూ ఆదాయాన్ని పెంచుకుంటోంది. మరో వైపు యాడ్స్ కూడా చేస్తోంది. ఇకపోతే తమన్నా రీసెంట్ గా సోషల్ మీడియా ఎకౌంట్ లో కొంచెం ఎమోషనల్ అయ్యింది.

ప్రస్తుతం తమన్నా కన్నె కాలయ్ మానె అనే తమిళ్ సినిమాకా షూటింగ్ లో బిజీగా ఉంది. ప్రముఖ దర్శకుడు శీను రామస్వామి దర్శకత్వంలో తెరకెక్కుతోన్న ఈ సినిమాలో ఉదయనిధి స్టాలిన్ హీరోగా నటిస్తున్నారు. మదురై బ్యాక్ డ్రాప్ తో వస్తోన్న ఈ సినిమాలో తమన్నా బ్యాంక్ ఉద్యోగిగా కనిపించనుంది. ఈ సినిమాకు సంబందించిన విషయాన్ని చెబుతూ అమ్మడు ఒక వివరణ ఇచ్చింది.

సమయం చాలా వేగంగా గడిచిపోయింది!. దాదాపు మేము సినిమా షూటింగ్ ని పూర్తి చేశాం. శీను సర్ తో మరోసారి వర్క్ చేయడం చాలా సంతోషంగా ఉంది. సరైన అవగాహనతో అర్ధం చేసుకోవడం వల్ల చాలా సులువయ్యింది. సినిమాలోని పాత్ర చాలా నచ్చింది. చాలా కొత్తగా అనిపించింది. ఇక హీరో ఉదయనిధి స్టాలిన్ తో వర్క్ చేయడం చాలా బావుంది. ఆయన చాలా సున్నితమైన నటుడు. ఈ సినిమా ప్రతి ఒక్కరికి నచ్చుతుందని తమన్నా ఇంస్టాగ్రామ్ లో ఫొటోని పోస్ట్ చేస్తూ పేర్కొంది.