తమ్మూ కూడా సమాజ సేవ చేస్తోంది

బాహుబలి తర్వాత తమన్నా రేంజ్ మారిపోయింది. ఇండియా మొత్తంలో డిమాండ్ ఉన్న హీరోయిన్ల లిస్ట్ లోకి వెళ్లిపోయింది మిల్కీ బ్యూటీ. అలాగే ఈమె బ్రాండ్ వాల్యూ కూడా బాగా పెరిగింది. పలు కమర్షియల్ యాడ్స్ కూడా ప్రచారం చేసే స్థాయికి చేరుకుంది. అంతే కాదు ఇప్పుడు.. బేటీ బచావో - బేటీ పఢావో కేంపెయిన్ కి ప్రచారకర్తగా ఎంపికైంది కూడా. ఫెడరేషన్ ఆఫ్ ఆబ్ స్టెట్రిక్ అండ్ గైనకాలాజికల్ సొసైటీస్ ఆఫ్ ఇండియా చేపట్టిన కార్యక్రమాన్ని దేశవ్యాప్తంగా ప్రచారం చేయనుంది తమ్మూ.

రీసెంట్ గా ఈ విషయాన్ని తన ఇన్ స్టాగ్రామ్ ద్వారా అఫీషయల్ గా అనౌన్స్ చేసింది తమన్నా. ఇప్పటికే ఈ సంస్థకు సంబంధించిన ప్రచార కార్యక్రమాల్లో కూడా తమన్నా భాగం అవుతోంది. ఇప్పటికే కేంద్రం నిర్వహిస్తున్న స్వచ్ఛ్ భారత్ అభియాన్ ను కూడా తమ్మూ కేంపెయిన్ చేస్తోంది. మరోవైపు హింసకు వీలులేని సౌందర్య సాధనాలు వాడాలంటూ 'బీ ఎ బన్నీస్ హనీ' అంటూ యాడ్స్ చేయడమే కాదు.. ఈ కార్యక్రమంలో చాలా యాక్టివ్ గా కూడా పార్టిసిపేట్ చేస్తోంది. ప్రస్తుతం కొంత ప్రాంతానికే పరిమితమైన ఈ ప్రచారాన్ని త్వరలో దేశవ్యాప్తంగా చేసేందుకు సిద్ధమవుతోంది మిల్కీ.

ప్రస్తుతం ఈ సుందరి తెలుగులో చేస్తున్న సినిమా నాగార్జున, కార్తిలు చేస్తున్న మల్టీ స్టారర్ మూవీ ఊపిరి. బాహుబలి2 తర్వాత తన క్రేజ్ ఇంకా పెరుగుతుందని తమన్నా ఆశలు పెట్టుకుంది. రీసెంట్ గా ధర్మదురై అనే మూవీలో పాత్ర కోసం నామమాత్రపు రెమ్యూనరేషన్ కు అంగీకరించి, సంచలనం సృష్టించింది మిల్కీ బ్యూటీ తమన్నా.