శింబు ఏంటి ఇలా అయ్యాడు?

తమిళ స్టార్‌ హీరో శింబు ఒకప్పుడు వరుస సినిమాలతో దూసుకు పోయేవాడు. ఆయన చేసిన సినిమాలు కోలీవుడ్‌ లోనే కాకుండా ఇతర భాషల్లో కూడా మంచి వసూళ్లు నమోదు అయ్యేవి. ముఖ్యంగా శింబు నటించిన కొన్ని సినిమాలు తెలుగు లో భారీ వసూళ్లు నమోదు చేసిన విషయం తెల్సిందే.

ఇప్పుడు శింబు కెరీర్ పరంగా ఒడిదొడుకులు ఎదుర్కొంటున్నాడు. ఒకటి సక్సెస్ అయితే రెండు సినిమాలు ఫెయిల్యూర్ అవుతున్నాయి. దాంతో శింబు విభిన్నమైన సినిమాలను ఎంపిక చేసుకుంటున్నాడు. ఈ మధ్య కాలంలో శింబు కమర్షియల్‌ సక్సెస్ లను దక్కించుకున్నా దక్కించుకోకున్నా కూడా ఆయన పోషించిన పాత్రలకు మంచి పేరు వస్తుంది.

ప్రస్తుతం కమల్‌ నిర్మాణంలో ఒక భారీ పాన్ ఇండియా సినిమాను శింబు చేసేందుకు రెడీ అయ్యాడు. ఆ సినిమాకు సంబంధించిన షూటింగ్‌ కార్యక్రమాలు మొదలు కాబోతున్నాయి. తాజాగా శింబు తన ఇన్ స్టా లో షేర్ చేసిన ఫోటోలు అందరి దృష్టి ని ఆకర్షిస్తున్నాయి.

ఫుల్‌ స్టైలిష్ గా... బ్లాక్‌ డ్రెస్ వైట్‌ షూస్ తో అదరగొట్టేశాడు. ఆకట్టుకునే రూపంతో పాటు మంచి ఫిజిక్‌ ఈయన సొంతం అన్నట్లుగా అభిమానులు కామెంట్స్ చేస్తున్నారు. వయసు పెరుగుతున్నా కొద్దీ శింబు మరింత అందంగా కనిపిస్తున్నాడు అంటూ లేడీ ఫ్యాన్స్ కామెంట్స్ చేస్తున్నారు.