స్టార్‌ హీరోకు షూటింగ్‌ లో ప్రమాదం

తమిళ సూపర్‌ స్టార్‌ అజిత్‌ కు షూటింగ్‌ లో గాయాలు అయ్యాయి. రిస్కీ బైక్‌ సీన్స్‌ చిత్రీకరణ చేస్తున్న సమయంలో అజిత్‌ ప్రమాదవశాత్తు కింద పడ్డట్లుగా తెలుస్తోంది. ఆయనకు స్వల్ప గాయాలు అవ్వడంతో షూటింగ్‌ కు తాత్కాలిక బ్రేక్‌ వేశారట. ఈ సంఘటన సోమవారం జరిగింది. అయితే కాస్త ఆలస్యంగా వెలుగులోకి వచ్చింది.

అజిత్‌ ప్రస్తుతం హెచ్‌ వినోద్‌ దర్శకత్వంలో వలిమై అనే చిత్రంలో నటిస్తున్నాడు. ఆ సినిమా షూటింగ్‌ ను చెన్నై శివారు ప్రాంతంలో చిత్రీకరిస్తున్నారు. ఆ సమయంలో బైక్‌ సీన్స్‌ షూట్‌ చేస్తున్న సందర్బంగా స్కిడ్‌ అయినట్లుగా తెలుస్తోంది. షూటింగ్‌ లో గాయపడ్డ అజిత్‌ పావు గంట విశ్రాంతి తీసుకుని ఆ షాట్‌ ను కంప్లీట్‌ చేశాడట.

షాట్‌ ఓకే అయిన తర్వాత అజిత్‌ హాస్పిటల్‌ కు వెళ్లాడట. అజిత్‌ కు చికిత్స అందించిన వైధ్యులు రెండు వారాల పాటు విశ్రాంతి తీసుకోవాలంటూ సూచించారట. స్వల్ప గాయాలే అవ్వడం వల్ల ఆ షెడ్యూల్‌ ను అజిత్‌ పూర్తి చేసినట్లుగా సమాచారం అందుతోంది. తదుపరి షెడ్యూల్‌ ను త్వరలో హైదరాబాద్‌ లో జరిపేందుకు దర్శకుడు ప్లాన్‌ చేస్తున్నాడు. యాక్సిడెంట్‌ విషయమై ఆందోళన ఏమీ అక్కర్లేదు అంటూ అజిత్‌ ఫ్యాన్స్‌ కు చిత్ర యూనిట్‌ సభ్యులు తెలియజేస్తున్నారు.