వార్ డిక్లేర్.. అజిత్ కూడా అదే రోజు బ‌రిలోకి!

ఒకే స‌మ‌యంలో ఇద్ద‌రు స్టార్లు త‌మ క్రేజీ సినిమాల‌తో త‌ల‌ప‌డ‌టం ఈ మ‌ధ్య కాలంలో చాలా అరుదుగా జ‌రుగుతూ వ‌స్తోంది. కార‌ణం కోట్ల బ‌డ్జెట్ ల‌తో నిర్మించిన సినిమాలు ఒకే సారి బాక్సాఫీస్ వ‌ద్ద పోటీకి దిగితే క‌లెక్ష‌న్ ల‌తో పాటు ఓపెనింగ్స్ ని కూడా పంచుకోవాల్సి వ‌స్తుంది. దీంతో ఏ హీరో సినిమాకు కూడా ఆశించిన స్థాయి వ‌సూళ్లు ద‌క్క‌వు. దీంతో రెండు సినిమాలు భారీ స్థాయిలో న‌ష్ట‌పోయే అవ‌కాశాలు వుంటాయి. దీన్ని దృష్టిలో పెట్టుకుని భారీ చిత్రాల నిర్మాత‌లు గ‌త కొంత కాలంగా త‌మ సినిమాలు ఒకేసారి బాక్సాఫీస్ వ‌ద్ద క్లాష్ కాకుండా జాగ్ర‌త్త‌లు తీసుకుంటూ వ‌స్తున్నారు.

కానీ ఈ సంక్రాంతికి మాత్రం స్టార్ ప్రొడ్యూస‌ర్స్ అలా చేయ‌డం లేదు. ఇద్ద‌రు క్రేజీ స్టార్స్ న‌టించిన భారీ చిత్రాల‌తో పోటీపోటీగా పోటీప‌డ‌బోతున్నారు. దీంతో మ‌రీ ముఖ్యంగా త‌మిళ‌నాట బాక్సాఫీస్ వ‌ద్ద భారీ స‌మ‌రం జ‌రిగే అవ‌కాశం వుంద‌ని, బాక్సాఫీస్ బ‌ద్ద‌ల‌వ్వ‌డం ఖాయ‌మ‌నే వార్త‌లు వినిపిస్తున్నాయి. వివ‌రాల్లోకి వెళితే.. కోలీవుడ్ టాప్ స్టార్స్ ద‌ళ‌ప‌తి విజ‌య్‌, త‌ల అజిత్ ఈ పొంగ‌ల్ కు పోటీకి సై అంటున్నారు. ఈ ఇద్ద‌రు న‌టించిన సినిమాలు ఒకే రోజు 2023 జ‌న‌వ‌రి 12న బాక్సాఫీస్ వ‌ద్ద పోటిప‌డ‌బోతున్నాయి.

విజ‌య్ న‌టిస్తున్న లేటెస్ట్ మూవీ 'వారీసు'. వంశీ పైడిప‌ట్టి ద‌ర్శ‌క‌త్వంలో స్టార్ ప్రొడ్యూస‌ర్ దిల్ రాజు ఈ మూవీని అత్యంత భారీ స్థాయిలో నిర్మిస్తున్నారు. ఇదే మూవీని తెలుగులో 'వార‌సుడు'గా ఒకే సారి రిలీజ్ చేస్తున్నారు. ఇప్ప‌టికే ప్ర‌మోష‌న్స్ మొద‌లైన ఈ మూవీ ని జ‌న‌వ‌రి 12న రిల‌జ్ చేస్తున్న‌ట్టుగా ఒవ‌ర్సీస్ డిస్ట్రిబ్యూట‌ర్ ప్ర‌క‌టించాడు. తాజాగా ఇదే తేదీన అజిత్ మూవీని 'తునీవు' కూడా రిలీజ్ అవుతున్న‌ట్టుగా తెలుస్తోంది. హెచ్‌. వినోద్ ద‌ర్శ‌క‌త్వంలో బోనీ క‌పూర్ నిర్మిస్తున్న ఈ మూవీని తెలుగులోనూ ఇదే 'తెగింపు' పేరుతో రిలీజ్ చేస్తున్న‌ట్టుగా వార్త‌లు వినిపిస్తున్నాయి.

తాజాగా యుకె, యూర‌ప్ డిస్ట్రిబ్యూట‌ర్ 'తునీవు'ని జ‌న‌వ‌రి 12న విడుద‌ల చేస్తున్న‌ట్టుగా ఓ పోస్ట‌ర్ ని విడుద‌ల చేశారు. ఓవర్సీస్ లో ఈ మూవీని లైకా ప్రొడ‌క్ష‌న్స్ వారు భారీ స్థాయిలో రిలీజ్ చేస్తున్నారు. మేక‌ర్స్ నుంచి ఈ మూవీ రిలీజ్ డేట్ రాక‌పోయినా లైకా వారు రిలీజ్ డేట్ ని బ‌య‌ట‌పెట్ట‌డంతో ఇప్ప‌డు త‌మిళ‌నాట ఒకే రోజు ఇద్ద‌రు స్టార్లు బాక్సాఫీస్ వ‌ద్ద ఢీ కొట్ట‌బోతున్నార‌ని స్ప‌ష్ట‌మ‌వుతోంది. ఈ ఇద్ద‌రికి త‌మిళ‌నాట వున్న క్రేజ్ అంతా ఇంతా కాదు.

అలాంటి క్రేజీ స్టార్స్ ఒకేసారి క్రేజీ సినిమాల‌తో పోటా పోటీగా పోటీకి దిగ‌బోతుండ‌టం ఖాయం కావ‌డంతో త‌మిళ‌నాట బాక్సాఫీస్ బ‌ద్ద‌ల‌వ‌వ్వ‌డం ఖాయం అంటూ ట్రేడ్ వ‌ర్గాలు చెబుతున్నాయి. మ‌రి ఈ పొంగ‌ల్ వార్ లో అజిత్ పైచేయి సాధిస్తాడా? లేక విజ‌య్ విక్ట‌రీతో మురిపిస్తాడా? అన్న‌ది వేచి చూడాల్సిందే. లైకా వారు ఓవ‌ర్సీస్ రిలీజ్ డేట్ ని ప్ర‌క‌టించ‌డంతో మేక‌ర్స్ 'తునీవు' రిలీజ్ డేట్ ని ఎప్పుడెప్పుడు ప్ర‌క‌టిస్తారా? అని ఫ్యాన్స్ ఆస‌క్తిని ఎదురుచూస్తున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.