త‌నికెళ్ల భ‌ర‌ణిని చంపేస్తానంద‌ట‌

ఒక్కోసారి వితండ‌వాదం ఇలానే ఉంటుంది. అది వెండితెర న‌ట‌న అని చెప్పినా విన‌ని మాస్ ఆడియెన్ ఎదుర‌వుతుంటారు. అలాంట‌ప్పుడు ఆర్టిస్టుకు తంటా త‌ప్ప‌దు. ద‌శాబ్ధాల క్రితం విడుద‌లైంది `ఆమె` సినిమా. ఇందులో మ‌ర‌ద‌లు ఊహను రేప్ చేసే బావ‌గా త‌నికెళ్ల భ‌ర‌ణి న‌ట‌న‌కు ట్రాన్స్ లోకి వెళ్లిన కొంద‌రు మ‌హిళ‌లు అలా వార్నింగులు ఇచ్చారట‌. ఇంత‌కుముందు అలీతో జాలీగా ఇంట‌ర్వ్యూలో త‌నికెళ్ల భ‌ర‌ణి ఈ సంగ‌తిని వెల్ల‌డించారు.

అది న‌ట‌న మాత్ర‌మే.. సినిమా కోసం అలా చేశాన‌ని వారించే ప్ర‌య‌త్నం చేసినా మ‌రీ ఎంత సినిమా అయితే మాత్రం అలా చేస్తావా? అని నిల‌దీసిన ఆడాళ్లు ఉన్నార‌ట‌. కొంద‌రైతే చంపేస్తాన‌న్నంత కోపంగా చూసార‌ట‌. బ్యాడ్ విల‌న్ గా త‌న న‌ట‌న‌కు ఇలాంటివి చాలా ఎదుర‌య్యాయ‌ని తెలిపారు. న‌ట‌న‌ను పొగిడేవాళ్లున్నా తిట్లు తిన‌క‌ త‌ప్ప‌లేద‌ట‌.

ఇక‌పోతే త‌నికెళ్ల భ‌ర‌ణి మ‌హా శివ‌భ‌క్తుడు. నిత్యం భోళా శంక‌రునికి పూజలాచ‌రిస్తారు. అయితే ఇండ‌స్ట్రీ స్నేహితుల‌తో కెరీర్ ఆరంభం అలా మందేయ‌డంలో తాను ముందుండేవాడిన‌ని కూడా తెలిపారు. డిసెంబ‌ర్ 31 స్పెషల్ నైట్ కి త‌న‌కు ఇష్టులైన జ‌ర్న‌లిస్టుల‌తో క‌లిసి త‌నికెళ్ల పెగ్గు వేసేందుకు ఇష్ట‌ప‌డ‌తారు. కానీ ఇటీవ‌లి కాలంలో ఎంతో సాత్వికంగా బ‌తికేస్తున్నార‌ట‌.