మెగానే కాదు.. నక్షత్రంలో మరో హీరో

క్రియేటివ్ డైరెక్టర్ కృష్ణవంశీ తను ఎంత క్రియేటివ్ గా ఆలోచిస్తాడో ప్రూవ్ చేసుకునేందుకు.. ఇండస్ట్రీలో తన రేంజ్ చాటి చెప్పేందుకు ఓ మూవీ మొదలుపెట్టాడు. నక్షత్రం అనే టైటిల్ పై ఈ చిత్రం రూపొందనండగా.. సందీప్ కిషన్- రెజీనా ఈ సినిమాలో జంటగా నటిస్తున్నారు.

ఇప్పటికే నక్షత్రంలో మెగా హీరో సాయి ధరం తేజ్ ఓ కేమియో చేస్తున్నాడనే విషయాన్ని అనౌన్స్ చేశాడు కృష్ణవంశీ. 20 నిమిషాల స్క్రీన్ ప్రెజెన్స్ ఉండే ఓ పవర్ ఫుల్ రోల్ ని ఆఫర్ చేశాడని ఇప్పటికే చెప్పేసుకున్నాం. ఇప్పుడీ మూవీకి మరో అట్రాక్షన్ ని జోడిస్తున్నాడు దర్శకుడు. యంగ్ హీరో తనీష్ కూడా నక్షత్రంలో మెరవబోతున్నాడు. ఈ కుర్ర హీరో నక్షత్రంలో నెగిటివ్ రోల్ లో కనిపించనుండడం విశేషం.

నచ్చావులే.. రైడ్. మేం వయసుకు వచ్చాం వంటి చిత్రాలతో ఇప్పటికే జనాలను ఆకట్టుకున్న తనీష్.. నక్షత్రంకు అదనపు స్ట్రెంగ్త్ అవుతాడని చెప్పచ్చు. ఇప్పటికే సందీప్ కిషన్ పాత్రతో పాటు.. ఇటు సాయిధరం తేజ్ కూడా పోలీస్ రోల్స్ చేస్తుండగా.. ఇప్పుడు తనీష్ చేసే రోల్ ఏంటన్నదే ఆలోచించాల్సిన విషయం. సహజంగా దేశభక్తి జోనర్ ని విడిచిపెట్టని కృష్ణ వంశీని.. తనీష్ లాంటి యంగ్ హీరోని.. ఎలా చూపించనున్నాడనే ఆసక్తి నెలకొంది.