రామ్ ఎనర్జీపైనే తాన్యా ఆశలు

మిస్ ఇండియా సుందరాంగిని పట్టుకొచ్చిన రామ్.. నేను.. శైలజ మూవీతో 2016 టాలీవుడ్ ఖాతా ప్రారంభించనున్నాడు ఎనర్జిటిక్ హీరో రామ్. శివం ఫ్లాప్ తర్వాత.. చాలా జాగ్రత్తలు తీసుకుని చేస్తున్నాడు ఈ మూవీని. క్లాస్ టైటిల్ తో ప్రేక్షకుల ముందుకు రావడమే కాదు.. ఇందులో మసాలా ఎలిమెంట్స్ ఆశించద్దంటూ ముందే చెప్పాడు.

నేను.. శైలజ లో.. హీరోయిన్ గా మళయాళ భామ కీర్తి సురేష్ ను తీసుకొచ్చిన రామ్.. జనాలకు మరో సర్ ప్రైజ్ ఇవ్వబోతున్నాడు. మరో కీలకమైన పాత్రలో కోల్ కతా సుందరి తాన్యా హోప్ తో నటింపచేస్తున్నారు. ఈమె 2015 మిస్ ఇండియా కాంటెస్ట్ లో పోటీ పడింది కూడా. అయితే.. టాప్ 5లోకి ఎంటర్ కాలేకపోయినా.. తాన్యా లుక్స్ కి మంచి రెస్పాన్సే వచ్చింది. ఈమె లండన్ కు చెందిన విస్ట్ మిన్ స్టర్ యూనివర్సిటీ నుంచి ఇంటర్నేషనల్ రిలేషన్స్ లో పట్టా కూడా పొందింది. నేను శైలజ చిత్రంలో.. ఈమెకు మంచి పాత్రే ఉండనుందని తెలుస్తోంది. టాలీవుడ్ లో అరంగేట్రంతోనే అదిరిపోయే హిట్ సాధించాలని ఆశలు పెట్టుకుంది తాన్యా హోప్.

మరోవైపు కేరళ కుట్టి కీర్తి సురేష్ కి కూడా ఇదే. ఇంతకు ముందు ఐనా ఇష్టం నువ్వు అనే మూవీలో నటించింది కానీ.. అది విడుదలకు నోచుకోలేదు. అందుకే కీర్తి సురేష్ కూడా రామ్ ఎనర్జీపై బోలెడు అంచనాలు వేసుకుంటోంది. కిషోర్ తిరుమల దర్శకత్వం వహిస్తున్న నేను.. శైలజ మూవీని స్రవంతి మూవీస్ బ్యానర్ పై స్రవంతి రవి కిషోర్ నిర్మించారు.