ఎవ్వరితోనూ పోల్చుకోవద్దు : తాప్సీ

‘తాప్సీ పన్నూ..’ మొదట తెలుగు తెరపై మెరిసి.. ఆ తర్వాత బాలీవుడ్ బాట పట్టి తనదైన గుర్తింపు తెచ్చుకుంది ఈ బ్యూటీ. తనకంటూ ప్రాధాన్యముండే పాత్రలనే సెలక్ట్ చేసుకుంటూ.. సక్సెస్ ను టేస్ట్ చేస్తూ ముందుకు సాగుతోంది ఈ అమ్మడు. ప్రస్తుతం "రష్మి రాకెట్" అనే మూవీలో నటిస్తోంది తాప్సీ. అథ్లెట్ బ్యాక్ డ్రాప్ లో కొనసాగే ఈ మూవీలో రన్నర్ పాత్ర పోషిస్తోంది. తన గుర్తింపు కోసం పోరాడి అథ్లెట్ గా రాణించిన ఓ రన్నర్ పాత్రను తాప్సీ పోషిస్తోంది. ఆకర్ష్ ఖురానా దర్శకత్వం వహిస్తున్న ఈ సినిమాలో ప్రియాన్షు పెన్యులి తాప్సీ భర్తగా నటిస్తున్నారు.

కాగా.. ఈ చిత్రానికి సంబంధించిన ఫొటోలను తరచూ సోషల్ మీడియాలో పంచుకుంటున్న తాప్సీ.. లేటెస్ట్ గా మరో చిత్రాన్ని షేర్ చేశారు. ఈ పిక్ లో రౌండ్ సన్ గ్లాసెస్‌ పెట్టుకొని, యాష్ కలర్ డ్రెస్, ఉంగరాల జుట్టును వదిలేసి, లైట్ క్లీవేజ్ షో చేస్తూ కనిపించారు. ఈ ఫొటోకి ఆత్మవిశ్వాసానికి సంబంధించిన కొటేషన్ జత చేశారు. “అందరితో పోల్చుకోవడం కాన్ఫిడెన్స్ కాదు.. అందరికన్నా ముందున్నా, ఎవ్వరితోనూ పోల్చుకోకపోవడమే కాన్ఫిడెన్స్’’ అని కోట్ చేశారు తాప్సీ.

నెెటిజన్లను ఆకట్టుకున్న తాప్సీ పిక్.. పోస్ట్ చేసిన కొద్ది నిమిషాల్లోనే రెండు లక్షలకు పైగా లైక్‌లు సాధించింది. కాగా.. ప్రస్తుతం ‘రష్మీ రాకెట్’ చిత్రంలో నటిస్తున్న తాప్సీ కిట్ లో 'లూప్ లాపెటా' 'హసీన్ దిల్‌రూబా' చిత్రాలు ఉన్నాయి. అదేవిధంగా.. మళ్లీ తెలుగులోకి రీ ఎంట్రీ ఇవ్వబోతోంది తాప్సీ. తేజ డైరెక్షన్ లో తెరకెక్కతున్న ‘అలివేలు వెంకటరమణ’ చిత్రంలో నటించబోతోంది.