తాప్సి బ‌య‌ట‌పెట్టింది!

దాచి పెట్ట‌డం అంటే ఏంటో తాప్సికి అస్స‌లు తెలియ‌న‌ట్టుంది. ఎప్పుడూ అవ‌కాశాల కోసం ఆమె ఎదురు చూస్తూ ఉంటుందా?! ఇక ఒక్క అవ‌కాశం ల‌భించిందంటే చాలు. దాన్ని వెంట‌నే బ‌హిరంగం చేస్తుంటుంది. నాకూ ఆఫ‌ర్స్ వ‌స్తున్నాయ్ చూడండి... అన్న‌ట్టుగా అంద‌రితోనూ చెప్పేస్తుంటుంది. ఆ ఉత్సాహంలో త‌న పాత్ర‌ల సంగ‌తుల్ని, క‌థ‌ల్ని కూడా బ‌య‌ట‌పెడుతుంటుంది. అలాగ‌ని మ‌రీ అన్నీ చెప్పేయ‌దు కానీ... ఇత‌ర క‌థానాయిక‌ల్లా ర‌హ‌స్యంగా ఉంచే ప్ర‌య‌త్నం మాత్రం చేయ‌దు. మామూలుగా ఇత‌రత్రా క‌థానాయిక‌లైతే సినిమా సెట్స్‌ పైకి వెళ్లేవ‌ర‌కు కూడా త‌నకి అవ‌కాశం వ‌చ్చిన విష‌యం గురించి చెప్పరు.

తాప్సి అలా కాదు. ఇటీవ‌ల ఆమెకి ఘాజి అనే చిత్రంలో నటించే అవ‌కాశ‌మొచ్చింది. రానా క‌థానాయ‌కుడిగా న‌టిస్తున్న చిత్ర‌మ‌ది. సంక‌ల్ప్ అనే కొత్త ద‌ర్శ‌కుడు తెర‌కెక్కిస్తున్నాడు. పాక్‌, ఇండియా యుద్ధం నేప‌థ్యంలో ఈ చిత్రం తెర‌కెక్కుతోంది. ఇందులో క‌థానాయిక‌గా తాప్సిని ఎంచుకొన్నారు. అయితే సినిమాలో తాను పోషించ‌నున్న పాత్ర గురించి చాలా వివ‌రాలు బ‌య‌ట‌పెట్టింది ఇటీవ‌ల తాప్సి. తెర‌పై నేనొక శ‌ర‌ణార్థిగా క‌నిపిస్తాన‌ని, న‌న్ను వేరొక‌రు త‌రుముతూనే ఉంటార‌ని, ఆ పాత్ర కోసం చాలా క‌ష్ట‌ప‌డాల్సి వుంటుంద‌ని చెప్పుకొచ్చింది. షూటింగ్ జ‌రిగిన‌న్నాళ్లూ ఆ పాత్ర కోసమ‌ని చాలా తినాల్సి వుంటుంద‌ని చెప్పింది. త్వ‌ర‌లోనే తాప్సి షూటింగ్‌ లో పాల్గొన‌బోతోంద‌ని తెలిసింది. బాలీవుడ్‌ లోనే అవ‌కాశాలు అందుకొంటున్న తాప్సి తెలుగులో అవ‌కాశాలు రాక‌పోవ‌డం వ‌ల్ల గుస్సా అవుతోంది. అంద‌రికంటే ముందుగా తెలుగు నేర్చేసుకొని, డ‌బ్బింగ్ కూడా చెప్పాన‌ని, అయినా తెలుగు చిత్ర‌సీమ నుంచి ఆఫ‌ర్స్ రావ‌డం లేద‌ని ఆమె బాధ ప‌డుతోందట‌.