మిస్ అయిందని ఫీలవుతున్న తాప్సీ

ఇప్పుడు ఇంఢస్ట్రీలో ఎవరి నోట విన్నా క్షణం గురించిన ప్రశంసలే. కోటి రూపాయల ఖర్చుతో తెరకెక్కిన ఈ మూవీని, అది సాధించిన విజయాన్ని చూసి అందరూ ఆశ్చర్యపోతున్నారు. బడ్జెట్ కంటే మించి, కాన్సెప్ట్ పరంగా ఇలాంటి థ్రిల్లర్ ఇప్పటివరకూ తెలుగులో రాలేదనే కామెంట్లతో ఉక్కిరి బిక్కిరి చేసేస్తున్నారు. ఇప్పుడు క్షణం మూవీని తెగ పొగిడేస్తున్న లిస్ట్ లో ఢిల్లీ సుందరి తాప్సీ పన్ను కూడా చేరింది.

రీసెంట్ గా బాలీవుడ్ సెలబ్రిటీల కోసం నిర్మాత పొట్లూరి వర ప్రసాద్ ఓ స్పెషల్ స్క్రీనింగ్ ఏర్పాటు చేశారు. ఆ షో చూసిన తాప్సీ పన్ను విపరీతంగా ఎగ్జయిట్ అయింది. 'చాలా కాలం తర్వాత ఓ సినిమాలో భాగం కానుందుకు నిజంగా ఫీలవుతున్నా. క్షణం మూవీ చూడండి ప్లీజ్. మైండ్ బ్లోయింగ్.. అంతే' అంటూ ట్వీట్ చేసింది తాప్సీ పన్ను. ఇలా ఓ సినిమాలో నేను చేసుంటే బాగుండేది అని ఓ హీరోయిన్ ఓపెన్ గా చెప్పడం ఆ మూవీ గొప్పతనాన్ని చెప్పేదే. ఇక బాలీవుడ్ క్రిటిక్ తరణ్ ఆదర్శ్ కూడా క్షణం స్క్రీనింగ్ కి హాజరయ్యాడు.

'మునివేళ్లపై నిలబెట్టే సస్పెన్స్ థ్రిల్లర్స్ ని ఇష్టపడే వారికి క్షణం తప్పనిసరిగా చూడాల్సిందే. ఊహించలేని ట్విస్ట్ లే ఈ సినిమాకి అత్యంత కీలకం. కొన్ని మూవీలు చాలా ప్రభావం చూపుతాయి. అలాంటి వాటిలో క్షణం కూడా ఒకటి' అంటూ తరణ్ ఆదర్శ్ ట్వీట్ చేయడంతో.. ఇప్పుడీ మూవీ జనాల్లో ఇంట్రెస్ట్ మరింతగా పెరిగింది.