హమ్మయ్య.. తాప్సీకి ఛాన్సొచ్చింది

యంగ్ హీరో సందీప్ కిష‌న్ వ‌రుస సినిమాల‌తో క్ష‌ణం తీరిక‌లేనంత బిజీ అయిపోయాడు. ఒక సినిమా వెంట ఒక‌టిగా సినిమాలు చేస్తూనే ఉన్నాడు. వెంక‌టాద్రి ఎక్స్‌ప్రెస్‌ - గుండెల్లో గోదారి - టైగ‌ర్ సినిమాలు అత‌డికి మంచి పేరు తెచ్చాయి. ఆ వ‌రుస‌లోనే అత‌డు రాజ‌సింహా ద‌ర్శ‌క‌త్వంలో ఓ సినిమా చేస్తున్నాడు. ఈ సినిమా ఆన్‌ సెట్స్ వెళ్ల‌డానికి ముందే మ‌రో శుభ‌వార్త చెప్పాడు.

సి.వి.కుమార్ ద‌ర్శ‌క‌త్వంలో ఓ సినిమాలో న‌టిస్తున్నా. ఇందులో తాప్సీ నాకు జోడీగా న‌టిస్తోంది అంటూ ఎగ్జ‌యిట్ అయ్యాడు. రింగుల జుత్తు సుంద‌రి తాప్సీ గుండెల్లో గోదారి చిత్రంలో న‌టించినా అందులో ఆది పినిశెట్టికి పెయిర్‌ గా న‌టించింది. ఇప్పుడు నేరుగా తాప్సీతోనే రొమాన్స్ చేసే ఛాన్స్ వ‌చ్చింది అంటూ సందీప్‌ కిష‌న్ త‌బ్బి ఉబ్బిబ్బ‌యిపోతున్నాడు. తాప్సీకి కూడా ఓ అవ‌కాశం కావాలి. లారెన్స్ మాష్ట‌ర్ ద‌ర్శ‌క‌త్వంలోని గంగ సినిమాతో హిట్ కొట్టినా ఎందుక‌నో తెలుగులో ఆశించిన అవ‌కాశాలేవీ రాలేదు. కెరీర్ ప‌రంగా ఓ ట‌ర్నింగ్ పాయింట్ అవుతుంద‌ని ఆశించినా ఛాన్సులే లేవిక్క‌డ‌. అంద‌రూ మ‌ర్చిపోతున్నారు అనుకుంటున్న టైమ్‌ లో సందీప్ స‌ర‌స‌న న‌టించే ఛాన్సొచ్చింది.

కాబ‌ట్టి ఈ సినిమా ఇటు సందీప్ కిష‌న్‌ కి, అటు తాప్సీకి ఎంతో కీల‌కం అవుతుంది. అస‌లే ఈ చిత్రాన్ని సి.వి.కుమార్ సైన్స్ ఫిక్ష‌న్ క‌థాంశంతో తెర‌కెక్కిస్తున్నాడు. పైగా తాప్సీ లాంటి యాక్టివ్ గాళ్ క‌థానాయిక‌గా న‌టిస్తోంది కాబ‌ట్టి సంథింగ్ ఇంకేదో జ‌ర‌గ‌బోతోంద‌న్న సిగ్న‌ల్స్ వ‌చ్చినట్టే. వెయిట్ అండ్ సీ.