తెలుగులో కావాలంటున్న తాప్సీ

పంజాబీ భామ తాప్సీ పన్ను కెరీర్ తెలుగు సినిమాతోనే మొదలైంది. ఇప్పుడు పక్క భాషల్లో సత్తా చూపిస్తూ.. హిట్లు కొడుతున్నా తెలుగులో మాత్రం ఈమెకు ఒక్క హిట్ కూడా లేదు. కోలీవుడ్ లో గంగ(కాంచన2).. హిందీలో పింక్.. ఆ తర్వాత నామ్ షబానా అంటూ పేరు సంపాదించుకున్నా.. టాలీవుడ్ లో మాత్రం సక్సెస్ లేదు. మిస్టర్ పర్ఫెక్ట్ హిట్ అయినా.. ఈమెకు దక్కిందేమీ లేదు.

అందుకే తెలుగులో ఒక్క హిట్ కొట్టడం ద్వారా.. తన రేంజ్ మార్చుకోవాలని.. ఐరన్ లెగ్ స్టాంప్ తుడిచేసుకోవాలని అనుకుంటున్నట్లు చెబుతోంది. తాప్సీ. 'ఇప్పుడు నాకు తెలుగులో ఒక్క హిట్ కావాలి. గతంలో నా సినిమాలు ఆడని మాట వాస్తవమే. కానీ ఒక్క హిట్ తో వీటన్నిటినీ మార్చుకోవాలని భావిస్తున్నా' అని చెప్పింది తాప్సీ. ప్రస్తుతం ఆనందో బ్రహ్మ అనే మూవీలో లీడ్ రోల్ చేస్తోంది తాప్సీ పన్ను. ఈ మూవీలో వెన్నెల కిషోర్.. శ్రీనివాస్ రెడ్డి.. షకలక శంకర్ లు ఉన్నా.. మెయిన్ లీడ్ మాత్రం తాప్సీనే.

'ఇది హీరోయిన్ ఓరియెంటెడ్ మూవీనా అని చాలా మంది అడుగుతున్నారు. కానీ ఇది స్టోరీ ఓరియెటెండ్ మూవీ' అంటున్న తాప్సీ పన్ను.. ఆనందో బ్రహ్మ ద్వారా తనకు టాలీవుడ్ లో సక్సెస్ లభిస్తుందని మంచి కాన్ఫిడెన్స్ తో ఉంది. అయితే.. సక్సెస్ రావాలంటే మాత్రం అదృష్టం ఉండాల్సిందే అంటూ ముక్తాయింపు ఇచ్చింది ఈ పంజాబీ బ్యూటీ.

Like Us on Facebook : https://www.facebook.com/Tupakidotcom/