తార‌తో కుదిరిందిలే భ‌లే రొమాన్సు కృష్ణా!

నాగ‌శౌర్య‌ హీరోగా అనీష్ ఆర్ కృష్ణ దర్శకత్వంలో రొమాంటిక్ కామెడీ `కృష్ణ బృందా విహారి` విడుదల కానున్న సంగ‌తి తెలిసిందే.

ఐరా క్రియేషన్స్ పతాకంపై ఉషా ముల్పూరి నిర్మించిన ఈ చిత్రంతో షిర్లీ సెటియా టాలీవుడ్ లోకి అడుగుపెడుతోంది. ఇప్పటికే సినిమాకు సంబంధించిన ప్రమోషన్స్ జోరుగా సాగుతున్నాయి. మహతి స్వర సాగర్ సంగీతం అందించారు. టీమ్ ఇప్పటివరకు విడుదల చేసిన పాటలకు సంగీత ప్రియుల నుండి అద్భుతమైన స్పందన వచ్చింది.

తాజాగా `తార న తార` పాట‌ను విడుద‌ల చేశారు. ప్రధాన జంట నాగ శౌర్య - షిర్లీ సెటియా జంట న‌డుమ‌ అందమైన కెమిస్ట్రీని చూపించే అద్భుతమైన పాట ఇది. ఈ జంట‌ బైక్ రైడ్ కి వెళుతుంది.

శౌర్య షిర్లీ నుండి ఘాడ‌మైన కౌగిలిలో స్వర్గపు అనుభూతిని పొందుతున్నాడు. ప్రేమ పక్షుల రొమాంటిక్ విహారం ఆస‌క్తిక‌రం. శ్రీమణి సాహిత్యం యూత్ ఫుల్ గా ఆక‌ట్టుకుంది. ఇందులో ఈ పాటను నకాష్ అజీజ్ పాడారు.

నటి రాధిక శరత్ కుమార్ ఈ చిత్రంలో ఓ కీలక పాత్రలో కనిపించనున్నారు. శంకర్ ప్రసాద్ ముల్పూరి ఈ చిత్రాన్ని సమర్పిస్తున్నారు. సాయి శ్రీరామ్ సినిమాటోగ్రాఫర్ కాగా తమ్మిరాజు ఎడిటింగ్ అందిస్తున్నారు. కృష్ణ బృందావిహారి సెప్టెంబర్ 23న విడుదలకు సిద్ధమవుతోంది. వెన్నెల కిషోర్, రాహుల్ రామకృష్ణ, సత్య, బ్రహ్మాజీ తదితరులు న‌టిస్తున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.