పిల్లలపై నాగ్ చెప్పే కబుర్లకు రెడీనా

మీలో ఎవరు కోటీశ్వరుడు కార్యక్రమంలో హోస్ట్ గా నాగార్జున ఎన్ని సెన్సేషన్స్ సృష్టించారో చూశాం. కౌన్ బనేగా కరోడ్ పతి రీజనల్ ఎపిసోడ్స్ లో నాగ్ కార్యక్రమానికే రికార్డు టీఆర్పీలు దక్కాయి. అలాంటి నాగ్ ఇప్పుడు ఓ టీవీషోకి గెస్ట్ గా వస్తానన్నారట. ఆ విషయాన్ని తారా శర్మ స్వయంగా చెప్పింది.

యాక్ట్రెస్ కం టీవీ హోస్ట్ అయిన తారా శర్మ సలూజా.. ప్రస్తుతం 'ది తారా శర్మ షో' అనే పేరుతో ఓ పేరెంటింగ్ షో చేస్తోంది. దీనికి సెలబ్రిటీలు తల్లిదండ్రులుగా వచ్చి తమ అనుభవాలతో పాటు సలహాలు కూడా ఇచ్చేస్తుంటారు. ఇప్పుడు ఓం నమో వెంకటేశాయ షూటింగ్ లో ఉన్న నాగ్.. తారాశర్మకు చెందిన ఓ ఫామ్ కు దగ్గరలో షూటింగ్ జరపుతుండగా.. ఆ విషయం తెలిసి నాగ్ ను తన ఫామ్ ఆహ్వానించింది తారా శర్మ సలూజా. తన ఫామ్ లో నాగ్ లాంటి స్టార్ హీరో అంటూ ఓ సెల్ఫీ తీసుకుని నెట్లో పెట్టేసింది కూడా.

అయితే.. తారా శర్మకు అనుకోని షాక్ ఇచ్చాడు నాగ్. తను 'ది తారా శర్మ షో'లో పాల్గొంటానని ఆఫర్ ఇచ్చాడట నాగ్. అక్కినేని హీరో నుంచి వచ్చిన ఈ సడెన్ ఆఫర్ కి షాక్ తినేసిన ఆమె.. నెక్ట్స్ సిరీస్ కి ఆహ్వానిస్తానని చెప్పిందట. అలా తెలుగు బుల్లితెర హోస్ట్.. బాలీవుడ్ కి గెస్ట్ గా వెళ్లబోతున్నాడు. మరి నాగ చైతన్య.. అఖిల్ లపై నాగ్ చెప్పే కబుర్లు వినేందుకు రెడీ అయిపోదామా!?

Like Us on Facebook : https://www.facebook.com/Tupakidotcom/