బాలయ్య వందలో నందమూరి విలన్

నటసింహ బాలకృష్ణ వందో సినిమా అనేక సంచలనాలకు వేదిక అయ్యేలా ఉంది. తన సెంచరీ మూవీ విషయంలో చాలా కేర్ తీసుకుంటున్న బాలయ్య.. ఇప్పటికే దర్శకుడిని ఫైనల్ చేసేశాడని, ఈ ఆఫర్ కృష్ణవంశీకే దక్కనుందని తెలుస్తోంది. అయితే.. ఈ మూవీలో విలన్ గా మరో నందమూరి హీరోనే నటించనుండడం విశేషం.

బాలయ్యతో తెరకెక్కించనున్న చిత్రంలో.. ఇతర నటీనటులతో కూడా థ్రిల్ చేయాలని డిసైడ్ అయ్యాడట కృష్ణవంశీ. ఈ మూవీలో విలన్ గా నటించేందుకు నందమూరి హీరో తారకరత్నను తీసుకోవాలన్నది ఈ దర్శకుడి ఆలోచనగా తెలుస్తోంది. ఈ విషయాన్ని ఇప్పటికే బాలయ్యకు చెప్పగా, ఆయన్నుంచి గ్రీన్ సిగ్నల్ వచ్చిందని కూడా చెప్పుకుంటున్నారు. ఇప్పటికే కొన్ని సినిమాల్లో విలన్ గా మెప్పించడం తారకరత్నకు కలిసొచ్చే విషయం. అలాగే నారా రోహిత్ కూడా ఓ కీలకమైన రోల్ నటించనున్నాడట.

త్వరలో బాలయ్య 100వ సినిమా స్టార్ట్ అవుతుందని, డీటైల్స్ ను ఆయనే స్వయంగా ప్రకటించేందుకు సిద్ధమవుతున్నారని సన్నిహతులు అంటున్నారు. గ్రామీణ నేపథ్యంలో సాగే ఓ పొలిటికల్ యాంగిల్ స్టోరీ ఇది. ఈ చిత్రంలో రైతు నాయకుడిగా బాలకృష్ణ కనిపించనున్నారు.