బిగ్ బాస్ లో నందమూరి హీరో?

టాలీవుడ్ లో ప్రస్తుతం అందరి చూపు బిగ్ బాస్ పైనే ఉంది. కంటెస్టెంట్స్ గా బిగ్ బాస్ హౌస్ లో ఎవరెవరు అడుగుపెడతారా? అనే ప్రశ్నలు వైరల్ అవుతున్నాయి. దీనికి తోడు మీడియాల్లో వచ్చే అనేక రూమర్స్ కూడా జనాలను కన్ఫ్యూజ్ చేస్తూనే ఉన్నాయి. 16 మంది పేర్లు ఇప్పటికే బయటకు వచ్చాయి. అందులో తరుణ్ అయితే అధికారికంగా తాను లేనని చెప్పాడు. అలాగే ఇంట్రెస్ట్ కూడా లేదని ముందే చెప్పేశాడు.

ఇకపోతే నందమూరి ఫ్యామిలీ నుంచి మరొక హీరో బిగ్ బాస్ లో ఎంట్రీ ఇచ్చే అవకాశం ఉన్నట్లు టాక్. గత ఏడాది జూనియర్ ఎన్టీఆర్ షోను ముందుండి నడిపించిన సంగతి తెలిసిందే. అయితే ఈ సారి కంటెస్టెంట్ గా మరో నందమూరి హీరో తారక రత్న ఎంట్రీ ఇవ్వనున్నట్లు సమాచారం. ప్రస్తుతం అందుకు సంబందించిన న్యూస్ కూడా సోషల్ మీడియాలో వైరల్ అవుతోంది. తారక రత్న గత కొంత కాలంగా సినిమాలకు దూరంగా ఉంటున్న సంగతి తెలిసిందే.

కెరీర్ లో హీరోగా సక్సెస్ కాలేదు గాని ఆ మధ్య విలన్ క్యారెక్టర్స్ చేసి బాగానే గుర్తింపు తెచ్చుకున్నాడు. ఇకపోతే బిగ్ బాస్ లో కనిపిస్తే పాపులారిటీని అందుకోవచ్చని సిద్దమవుతున్నట్లు టాక్. 100 రోజుల పాటు జరిగే ఈ షోకి నాని వ్యాఖ్యాతగా వ్యవహరించనున్న సంగతి తెలిసిందే. అప్పట్లో శ్రీ రెడ్డి ఇందులో లేదని టాక్ వచ్చినా ఇప్పుడు ఆమె కూడా ఉందని అంటున్నారు. మరి అది ఎంతవరకు నిజమో తెలియాలంటే మరికొన్ని రోజులు ఆగాల్సిందే.