తారకరత్న పొలిటికల్ లుక్.. అదిరిందయ్యా!

నందమూరి ఇంటి నుంచి తెలుగు చిత్రపరిశ్రమకు పరిచయమైన హీరోలలో తారకరత్న కూడా ఉన్నాడు. బాలకృష్ణ తరువాత జూనియర్ ఎన్టీఆర్ కళ్యాణ్ రామ్ హడావిడి కొనసాగుతున్న సమయంలోనే అతను కూడా చాలా గ్రాండ్ గా ఇండస్ట్రీలోకి ఎంట్రీ అయితే ఇచ్చాడు. ఒక సినిమా షూటింగ్ ఫినిష్ కాకముందే అప్పట్లో ఒకేసారి 7 కి పైగా కథలను లైన్లో పెట్టిన ఘనత అతనిదే.

అయితే జనాలు మాత్రం అతనిని హీరోగా సక్సెస్ చేయలేకపోయారు. సినిమాల ఫలితాలు ఎలా ఉన్నా కూడా అతను తెలుగుదేశం పార్టీ లో ఎప్పటికప్పుడు కాస్త హడావిడిగా కనిపిస్తూనే ఉన్నాడు. అయితే నటనపై కూడా అతను ఏమాత్రం వెనక్కి తగ్గలేదు. హీరోగా సక్సెస్ కాకపోవడంతో మధ్యమధ్యలో విలన్ పాత్రలు కూడా చేస్తూ వస్తున్నాడు.

నటుడిగా అతనికి మంచి గుర్తింపు దక్కినప్పటికీ కూడా అవకాశాలు అయితే పెద్దగా రాలేదు. ఇక సినిమాలను పక్కనపెట్టిన తారకరత్న బిజినెస్ లో బాగానే నిలదొక్కుకున్నాడు. ఇప్పుడు క్రియాశీలక రాజకీయాల్లో బిజీ కావాలని ఫిక్స్ అయ్యాడు. తారకరత్నకు సంబంధించిన ఒక లుక్ కూడా ప్రస్తుతం సోషల్ మీడియాలో వైరల్ గా మారింది. పాలపర్రులో తారకరత్న నేడు ఎన్టీఆర్ విగ్రహావిష్కరణలో పాల్గొన్నాడు.

అయితే అతను అక్కడే పొలిటికల్ ఎంట్రీ పై కూడా క్లారిటీ ఇచ్చే విధంగా అడుగులు వేస్తున్నారు.  అంతేకాకుండా రాజకీయ నాయకుడిగా తనకంటూ ఒక మార్కు క్రియేట్ చేసుకునే విధంగా తారకరత్న ఆలోచిస్తున్నట్లు అనిపిస్తుంది. ఇక అతని న్యూ లుక్ చూస్తే కూడా చాలా పవర్ ఫుల్ గా ఉంది. ప్రస్తుతం ట్రెండ్ అవుతున్న సాల్ట్ అండ్ పెప్పర్ లుక్ తో బాలయ్య బాబు సోషల్ మీడియాలో వైరల్ అవుతున్నాడు. లుక్ అయితే చాలా బాగుంది. వైట్ అండ్ వైట్ డ్రెస్ లో పూర్తిగా రాజకీయ నాయకుడి తరహాలో కనిపిస్తున్నాడు. జనాలు దృష్టిని ఈ లుక్ లో అయితే చాలా ఈజీగా ఆకర్షించవచ్చు. రెగ్యులర్ పాలిటిక్స్ లో అడుగులు వేయబోతున్న తారకరత్న మరి వచ్చే ఎన్నికల్లో తన మార్క్ ను ఎంతవరకు అందుకుంటాడో చూడాలి.