నేడు బ్లాక్‌బస్టర్‌.. రేపు క్లాసిక్‌

ఆకాశాన్ని తాకే అంచనాల మధ్య విడుదలైంది బాహుబలి. ప్రభాస్‌ కోసం మూడేళ్లుగా ఎదురు చూస్తున్న అభిమానులు రాత్రంతా జాగారం చేసి సినిమాని చూశారు. ప్రత్యేకమైన షోలు వేయించుకొని ఒక పండగలాగా సినిమాని సెలబ్రేట్‌ చేసుకొన్నారు. దీంతో క్రమంగా టాక్‌ స్ప్రెడ్‌ అవుతోంది. సినిమా ఎలా ఉందో ఒకర్ని అడిగి మరొకరు తెలుసుకొంటున్నారు. అయితే నిన్నరాత్రే బాలీవుడ్‌ నుంచి టాక్‌ బయటికొచ్చేసింది. ప్రీమియర్‌ షోలో పలువురు సినిమా పెద్దలు బాహుబలిని తిలకించారు. ప్రముఖ క్రిటిక్‌ తరన్‌ ఆదర్శ్‌ సినిమా చూసిన వెంటనే ట్వీట్లు చేయడం మొదలుపెట్టాడు. బాహుబలి సినిమా నేడు బ్లాక్‌ బస్టర్‌గా చెప్పుకొంటారు, రేపటి రోజున క్లాసిక్‌గా పిలుచుకొంటారని గొప్పగా ట్వీటాడు. సినిమా ఎలా ఉందన్నది ఎవరి అభిప్రాయంలో వాళ్లకు వేరుగా ఉండొచ్చు కానీ.. బాలీవుడ్‌ నుంచి పాజిటివ్‌ రెస్పాన్స్‌ వచ్చేసరికి ప్రభాస్‌ అభిమానుల్లో ఆనందం వెల్లివిరుస్తోంది. సినిమా కూడా పక్కాగా రాజమౌళి మార్క్‌తో తెరకెక్కిందని కొంతమంది అభిప్రాయపడుతున్నారు. ఎప్పట్లాగే ఇంట్రవెల్‌ బ్యాంగ్‌ అదిరిపోయిందట. రాజమౌళి ఈ సినిమాలో చిన్న పాత్రలో కూడా కనిపిస్తాడట. మొత్తమ్మీద బాహుబలి మనవాళ్లకు ఎలా అనిపించినా.. ఈ ఫీవర్‌ మాత్రం మరో వారం రోజులపాటు కొనసాగుతుందని చెప్పొచ్చు.