పాటతోనే పిచ్చేక్కించేలా ఉన్నారే

బాలీవుడ్ బేబో క‌రీనా క‌పూర్ ఓ బిడ్డ‌కి త‌ల్ల‌యిన త‌ర్వాత రీ ఎంట్రీ ఇస్తున్న మూవీ ‘వీరే ది వెడ్డింగ్‌’. స్వేచ్ఛా స్వాతంత్ర్యాల‌ను అతిగా కోరుకునే న‌లుగురు అమ్మాయిల క‌థ‌గా తెర‌కెక్కుతున్న ఈ సినిమా ప‌బ్లిసిటీ మొత్తం అందాల ప్ర‌ద‌ర్శ‌న పైనే జ‌రుగుతోంది. పోస్ట‌ర్ల ద‌గ్గ‌ర్నుంచి ట్రైల‌ర్ దాకా అన్నింటా క‌పూర్ భామ‌ల అందాల‌నే హైలెట్ చేస్తున్నారు. తాజాగా విడుద‌లైన పాట‌లోనూ ఇదే తంతు.

జూన్ 1న విడుద‌ల‌వుతున్న ‘వీరే ది వెడ్డింగ్‌’ ప్ర‌మోష‌న్‌లో భాగంగా ‘త‌రీఫాన్‌...’ అంటూ సాగే పాట‌ను తాజ‌గా విడుద‌ల చేసింది చిత్ర బృందం. ఇందులో క‌నిపించేది నిండా క‌పూర్ భామ‌ల సోకులు...కుర్రాల‌ను కండ‌ల‌ను చూస్తూ తాపంతో మునిగిపోయే వారి అతి చేష్ట‌లే. ఒక‌చోట‌యితే ఒక అత‌డిని లాగి మ‌రీ చెప్ప‌రాని చోట చేతితో కొడుతుందో అమ్మాయి. ఈ సీన్ చూస్తే వీరంతా అబ్బాయిల నుంచి ఏం కోరుకుంటున్నారో తేలిగ్గా అర్థ‌మ‌యిపోతుంది. అబ్బాయిల కోసం ఎంత‌కైనా ఖ‌ర్చు పెట్టేందుకు వెన‌కాడ‌నంటూ క్రెడిట్ కార్డు ఇచ్చేస్తుంది సోన‌మ్ క‌పూర్‌. నిజానికైతే అమ్మాయిల‌ను కోరిక‌లు తీర్చే సాధ‌న‌లుగా వాడుకుంటారు అబ్బాయిలు. అయితే కాలం మారింది. అమ్మాయిలే ఇప్పుడు అబ్బాయిల‌కు అందుకోసం వాడుకుంటున్నారు అని చెప్ప‌డానికి ఈ పాట వాడుకున్న‌ట్టుంది.

పాట ట్యూన్ కొత్త‌గా ఇంప్రెస్ చేసేది ఏమీ లేక‌పోయినా... ఈ వీడియోలో త‌ల్ల‌యినా క‌రీనా క‌పూర్ నుంచి త్వ‌ర‌లో పెళ్లి చేసుకోబోతున్న సోన‌మ్ క‌పూర్ దాకా అంద‌రి అతి చేష్ట‌లు నేటి కుర్ర‌కారుకి బాగానే నచ్చేస్తాయి. సినిమా ప్ర‌మోష‌న్ ఈ రేంజ్‌లో ఉందంటే... మ‌రి సినిమాలో బూతు ఏ రేంజ్‌లో ఉండ‌బోతుందో మ‌రి. అస‌లు క‌రీనా... ఓ బిడ్డ‌కి త‌ల్ల‌యిన త‌ర్వాత‌ రీ ఎంట్రీ చేయాల్సిన సినిమానేనా అని కొందరు అంటుంటే.. అందాలు ఆరబోయడానికి వాటితో సంబంధం ఏముంది అంటూ ఆమె ఫ్యాన్స్ పండగ చేసుకుంటున్నారు.

వీడియో కోసం క్లిక్ చేయండి