అర్జున్‌ రెడ్డి ని క్రాస్‌ చేసే ఛాన్స్‌ మిస్సయ్యింది

విజయ్‌ దేవరకొండ హీరోగా వచ్చిన ‘ట్యాక్సీవాలా’ చిత్రం అనూహ్యంగా మంచి విజయాన్ని సొంతం చేసుకుంది. ఈ చిత్రం విడుదలకు ముందు ఎంతటి విపత్కర పరిస్థితులను ఎదుర్కొందో ప్రత్యేకంగా చెప్పనక్కర్లేదు. సినిమా విడుదలకు రెండు నెలల ముందే లీక్‌ అవ్వడంతో పాటు, సినిమాపై విపరీతమైన బ్యాడ్‌ టాక్‌ స్ప్రెడ్‌ అవ్వడం - సినిమా గురించి చిత్ర యూనిట్‌ సభ్యులకే నమ్మకం లేదని అనేక పుకార్లు షికార్లు చేశాయి. దాంతో విజయ్‌ అభిమానులు కూడా ట్యాక్సీవాలా చిత్రంపై ఆసక్తి చూపించలేదు. కాని ట్యాక్సీవాలా చిత్రం విడుదలై మంచి విజయాన్ని సొంతం చేసుకుంది.

‘గీత గోవిందం’ చిత్రంతో ఏకంగా 65 కోట్ల షేర్‌ ను దక్కించుకున్న దేవరకొండ ‘ట్యాక్సీవాలా’ చిత్రంకు ఆస్థాయిలో కాకుండా మంచి వసూళ్లను రాబట్టాడు. లాంగ్‌ రన్‌ లో ట్యాక్సీవాలా 20 కోట్లకు పైగా షేర్‌ ను దక్కించుకోవడం ఖాయంగా కనిపిస్తుంది. విజయ్‌ దేవరకొండ అర్జున్‌ రెడ్డి మూవీ పాతిక కోట్లను రాబట్టింది. గీత గోవిందం - అర్జున్‌ రెడ్డి చిత్రాల తర్వాత ట్యాక్సీవాలా కలెక్షన్స్‌ ఉన్నాయి. విజయ్‌ దేవరకొండ మార్క్‌ ఎంటర్‌ టైనర్‌ గా సాగిన ట్యాక్సీవాలాకు బ్యాడ్‌ పబ్లిసిటీ రాకుంటే - పాజిటివ్‌ బజ్‌ తో సినిమా వచ్చి ఉంటే అర్జున్‌ రెడ్డి కలెక్షన్స్‌ ను సునాయాసంగా క్రాస్‌ చేసేది.

ట్యాక్సీవాలాకు అంత డ్యామేజీ జరిగినా కూడా విజయ్‌ దేవరకొండ చిత్రాల కలెక్షన్స్‌ లో టాప్‌ లో చేరింది. విభిన్నమైన కథాంశంతో తెరకెక్కిన ఈ చిత్రం తెలుగు ప్రేక్షకులకు బాగానే కనెక్ట్‌ అయ్యింది. దానికి తోడు విజయ్‌ దేవరకొండ మూవీ అవ్వడంతో మంచి కలెక్షన్స్‌ నమోదు అవుతున్నాయి.