ట్రైలర్ టాక్ : నిస్సిగ్గుగా మాట్లాడుకుంటున్న రాధా - కృష్ణ...!

'క్షణం' డైరెక్టర్ రవికాంత్ పేరేపు దర్శకత్వంలో సిద్దు జొన్నలగడ్డ హీరోగా తెరకెక్కిన సినిమా 'కృష్ణ అండ్ హిజ్ లీల'. 'క్షణం' సినిమాతో సస్పెన్స్ థ్రిల్లర్ అందించిన రవికాంత్ ఈ సినిమాతో కృష్ణ లీలల్ని చూపిస్తున్నాడని అర్థం అవుతోంది. ఈ సినిమాలో మొత్తం ముగ్గురు హీరోయిన్లు ఉండగా.. కథా పరంగా హీరో ఈ ముగ్గురితో ప్రేమలో పడనున్నట్టు అర్థం అవుతోంది. శ్రద్ధా శ్రీనాథ్ సీరత్ కపూర్ షాలిని హీరోయిన్స్ గా నటించారు. ఇప్పటికే 'సత్య - ఫస్ట్ లవ్' పేరుతో ట్రైలర్ రిలీజ్ చేశారు. ఫస్ట్ లవర్ 'సత్య'గా శ్రద్ధా శ్రీనాథ్ కనిపించింది. ఇక ఇప్పుడు తన సెకండ్ లవర్ ని ప్రేక్షకుల ముందుకి తీసుకొస్తూ రెండో ట్రైలర్ రిలీజ్ చేశారు. 'రాధా - కృష్ణుడి లో అర్థ భాగం' పేరుతో వచ్చిన ఈ ట్రైలర్ లో 'రాధ' పాత్రలో షాలిని నటించింది. ఈ టీజర్ ని చూస్తుంటే సినిమా ఆద్యంతం రొమాంటిక్ గా ఉండనుందని అర్థం అవుతుంది.

ఈ ట్రైలర్ లో కృష్ణ - రాధ ఫోన్లో గుసగుసలు ఆడుకుంటున్నారు. దుప్పట్లో దూరిన రాధ తన మాటలు ఎవరికి వినిపించకుండా సీక్రెట్‌ గా కృష్ణతో మాట్లాడుతూ ''నువ్వేం డ్రెస్ వేసుకున్నావ్' అని అతడ్ని అడుగగా.. 'టీ షర్ట్, ట్రాక్' అని సమాధానం ఇస్తూ 'మరి నువ్వేం వేసుకున్నావ్' అంటూ చిలిపి ప్రశ్న వేశాడు. తాను వేసుకున్న డ్రెస్ గురించి ప్రియురాలు చెప్పగా.. 'వాటి లోపల ఏం వేసుకున్నావ్' అని కృష్ణ అడుగగా 'ఇంట్లో ఇంకేం వేసుకుంటాను.. ఏం లేదు' అంటూ నిస్సిగ్గుగా చెప్పేసింది రాధ. రొమాంటిక్, బోల్డ్ అంశాల మేళవింపుతో ఉన్న ఈ ట్రైలర్ ఇప్పుడు విశేషంగా ఆకట్టుకుంటోంది. బేస్డ్ ఆన్ ట్రూ రూమర్స్ అంటూ కొత్త కాన్సెప్ట్‌ తో యూత్‌ ని ఆకట్టుకునే ప్రయత్నం చేస్తున్నారు 'కృష్ణ అండ్ హిజ్ లీల' టీమ్. దగ్గుబాటి రానా సమర్పిస్తున్న ఈ సినిమాని సురేష్ ప్రొడక్షన్ బ్యానర్ మరియు వయాకామ్ 18 స్టూడియోస్ సంయుక్తంగా నిర్మించారు. శ్రీచరణ్ పాకాల సంగీతం అందిచిన ఈ చిత్రం మరికొద్ది రోజులో ఓటీటీ వేదికగా రిలీజ్ కానుందని సమాచారం.