'తీస్‌ మార్‌ ఖాన్‌' ఫస్ట్ గ్లాన్స్: స్టూడెంట్ - రౌడీ - పోలీస్ గా ఆది..!

డైలాగ్ కింగ్ సాయికుమార్ తనయుడిగా ఇండస్ట్రీలో హీరోగా ఎంట్రీ ఇచ్చిన ఆది సాయికుమార్.. తనకంటూ ప్రత్యేకమైన గుర్తింపు తెచ్చుకోడానికి కృషి చేస్తున్నాడు. హిట్ ప్లాప్ లతో సంబంధం లేకుండా వరుస సినిమాలతో దూసుకుపోతున్నాడు. ప్రస్తుతం ఆది హీరోగా నటిస్తున్న అర డజను సినిమాలలో ''తీస్‌ మార్‌ ఖాన్‌'' ఒకటి. 'స్టూడెంట్ - రౌడీ - పోలీస్' అనేది దీనికి ట్యాగ్ లైన్.

గురువారం ఆది సాయి కుమార్ పుట్టినరోజు సందర్భంగా ''తీస్‌ మార్‌ ఖాన్‌'' చిత్రానికి సంబంధించిన ఫస్ట్ గ్లాన్స్ ని మేకర్స్ రిలీజ్ చేశారు. ఇందులో స్టూడెంట్ - రౌడీ - పోలీస్ అంటూ ఆది లుక్ ని రివీల్ చేశారు. దీనిని బట్టి ఈ సినిమాలో హీరో మూడు కోణాల్లో కనిపించబోతున్నారని అర్థం అవుతోంది. ఈ గ్లాన్స్ లో బ్యాగ్రౌండ్ స్కోర్ ఆది పాత్రను ఎలివేట్ చేస్తోంది. సినిమాపై ఆసక్తిని కలిగిస్తోంది.

'తీస్‌ మార్‌ ఖాన్‌' సినిమాని హై ఓల్టేజ్ యాక్షన్ ఎంటర్టైనర్ గా తీర్చిదిద్దుతున్నారు. కల్యాణ్‌ జి గోగణ దర్శకత్వంలో ఈ మూవీ తెరకెక్కుతోంది. ఇందులో ఆది సాయికుమార్ సరసన పాయల్‌ రాజ్‌ పుత్‌ హీరోయిన్ గా నటిస్తోంది. సునీల్ - పూర్ణ - కబీర్ సింగ్ - అనూప్ సింగ్ ఠాకూర్ కీలక పాత్రలు పోషిస్తున్నారు.

విజన్ సినిమాస్ బ్యానర్ పై నాగం తిరుపతి రెడ్డి ఈ చిత్రాన్ని నిర్మిస్తున్నారు. సాయి కార్తీక్ సంగీతం సమకూరుస్తున్నారు. బాల్ రెడ్డిసినిమాటోగ్రఫీ అందించగా.. మణికాంత్ ఎడిటింగ్ వర్క్ చేస్తున్నారు. 'తీస్ మార్ ఖాన్' సినిమాకి సంబంధించిన మరిన్ని వివరాలు త్వరలో వెల్లడికానున్నాయి.

ఇకపోతే ‘తీస్‌ మార్‌ ఖాన్‌’ తో పాటుగా 'అతిథి దేవోభవ' 'బ్లాక్' 'అమరన్: ఇన్ ది సిటీ చాప్టర్-1' 'జంగిల్' వంటి చిత్రాల్లో ఆది సాయికుమార్ హీరోగా నటిస్తున్నారు. ఎన్నాళ్ళుగానో సరైన సక్సెస్ కోసం ఎదురుచూస్తున్న ఆది కి ఈ సినిమాలు మంచి విజయాలను అందిస్తాయేమో చూడాలి.